بھارتی کرکٹ کنٹرول بورڈ (BCCI) نے منگل کے روز ٹیم انڈیا کے لیے قومی ٹیم کے لیڈ اسپانسر رائٹس کی نیلامی کے لیے ’’انویٹیشن فور ایکسپریشن آف انٹرسٹ‘‘ (IEOI) طلب کر لیا ہے۔ یہ اقدام اس وقت سامنے آیا ہے جب حال ہی میں بی سی سی آئی نے فینٹسی اسپورٹس پلیٹ فارم ڈریم 11 کے ساتھ اسپانسرشپ معاہدہ ختم کر دیا۔ بی سی سی آئی کی جانب سے جاری کردہ نوٹس میں کہا گیا ہے کہ دلچسپی رکھنے والے 5 لاکھ روپے (ناقابل واپسی فیس) اور اس پر لاگو جی ایس ٹی کی ادائیگی کے بعد یہ IEOI حاصل کر سکتے ہیں۔ اس دستاویز کو خریدنے کی آخری تاریخ 12 ستمبر مقرر کی گئی ہے، جب کہ بولی جمع کرانے کی آخری تاریخ 16 ستمبر ہے۔
بی سی سی آئی نے ڈریم 11 سے رشتہ توڑا
بی سی سی آئی اور ڈریم 11 کے درمیان علیحدگی کا پس منظر حال ہی میں منظور ہونے والا ’’پروموشن اینڈ ریگولیشن آف آن لائن گیمنگ بل 2025‘‘ ہے، جو بھارت بھر میں حقیقی رقم والے آن لائن گیمز پر پابندی عائد کرتا ہے۔ اس قانون کی منظوری کے بعد ڈریم 11 نے بورڈ کو مطلع کیا تھا کہ وہ موجودہ مالیاتی حالات کے پیش نظر اسپانسرشپ معاہدہ جاری نہیں رکھ سکتا۔ واضح رہے کہ ڈریم 11 کا ٹیم انڈیا کے ساتھ 2023 سے 2026 کے درمیان 358 کروڑ روپے (تقریباً 44 ملین ڈالر) کا ٹائٹل اسپانسرشپ معاہدہ تھا، جسے اب باضابطہ طور پر ختم کر دیا گیا ہے۔
بی سی سی آئی کے سیکریٹری دیوجیت سائکیا نے اس پیش رفت کی تصدیق کرتے ہوئے اے این آئی کو بتایا کہ ’’پروموشن اینڈ ریگولیشن آف آن لائن گیمنگ بل 2025 کی منظوری کے بعد، بی سی سی آئی اور ڈریم 11 کا معاہدہ ختم ہو گیا ہے۔ آئندہ بی سی سی آئی ایسے کسی بھی ادارے سے شراکت داری نہیں کرے گا جو حقیقی رقم والے آن لائن گیمز میں ملوث ہو۔‘‘
نئے قانون کے اثرات
نیا قانون نہ صرف حقیقی رقم والے آن لائن گیمز پر مکمل پابندی عائد کرتا ہے بلکہ ایسے پلیٹ فارمز کی تشہیر اور اشتہار بازی پر بھی مکمل روک لگاتا ہے۔ مزید یہ کہ، بینکوں اور غیر بینکنگ مالیاتی اداروں کو بھی ایسی مالیاتی لین دین کی سہولت فراہم کرنے سے منع کر دیا گیا ہے۔ یہ قانون بھارت میں فینٹسی اسپورٹس انڈسٹری کے بنیادی کاروباری ماڈل کو متاثر کرتا ہے، جس کی وجہ سے متعدد کمپنیوں کو اپنے آپریشنز پر نظرِ ثانی کرنی پڑ رہی ہے۔
بھارت ایکسپریس اردو
بہار کے ضلع ویشالی میں راگھوپور کے قریب کشتی بے قابو ہو کر الٹ گئی۔…
کیشوپور، جنک پوری، روہنی، سونیا وہار اور منگول پوری سمیت کئی علاقوں میں خفیہ کیمرے…
دہلی پولیس نے جنتر منتر کے علاقے میں بغیر اجازت داخل ہونے کے الزام میں…
تجارت، توانائی، ٹیکنالوجی، سلامتی اور عوامی روابط سمیت اہم شعبوں میں ٹھوس نتائج حاصل کرنے…
وزیر اعظم نریندر مودی کے خلاف مبینہ ’چوکیدار چور ہے‘ تبصرے سے متعلق فوجداری ہتک…
رشی سونک نے سوشل میڈیا پر لکھا ہے کہ وزیر اعظم نریندر مودی، آج نئی…