ایشیا کپ
دبئی: ایشیا کپ 2025 کے اُس میچ کا جس کا انتظار دنیا کے کروڑوں کرکٹ شائقین کر رہے تھے، نتیجہ آچکا ہے۔ دبئی انٹرنیشنل کرکٹ اسٹیڈیم میں اتوار کو کھیلے گئے میچ میں بھارتی کرکٹ ٹیم کے آپریشن ’وائٹ بال‘ کے سامنے پاکستان بے بس نظر آیا۔ پاکستانی ٹیم نے بھارت کے آگے مکمل طور پر گھٹنے ٹیک دیے۔ پہلے گیندبازی اور پھر بیٹنگ میں بھارتی ٹیم نے دکھا دیا کہ پاکستان اس کے سامنے کچھ بھی نہیں۔
پاکستان کی جانب سے دیے گئے 128 رنز کے ہدف کا تعاقب کرنے اتری بھارتی ٹیم کے لیے ابھشیک شرما نے زبردست شروعات کی اور شاہین آفریدی کو پہلی دو گیندوں پر چوکا اور چھکا لگا کر اپنی کلاس دکھائی۔ شرما نے 13 گیندوں پر 4 چوکے اور 2 چھکوں کی مدد سے 31 رنز بنائے۔ گل 7 گیندوں پر 10، تلک ورما 31 گیندوں پر 31 رنز بنا کر آؤٹ ہوئے۔
تلک اور سوریہ کمار یادو کے درمیان تیسرے وکٹ کے لیے 56 رنز کی اہم شراکت ہوئی۔ سوریہ کمار یادو نے کپتانی اننگز کھیلی اور چھکا لگا کر میچ جتایا۔ سوریہ 37 گیندوں پر 1 چھکا اور 5 چوکے لگا کر 47 رنز بنا کر ناقابل شکست رہے۔ شیوم دوبے 10 رنز بنا کر ناٹ آؤٹ رہے۔ بھارت نے 15.5 اوور میں 3 وکٹ پر 131 رنز بنا کر میچ 7 وکٹ سے جیتا۔
پاکستان کے کپتان سلمان علی آغا نے ٹاس جیت کر پہلے بیٹنگ کا فیصلہ کیا تھا، جسے بھارتی گیندبازوں نے بالکل غلط ثابت کر دیا۔ پاکستان پہلی ہی گیند سے دباؤ میں نظر آیا۔ گیندبازی کی شروعات کرنے والے ہاردک پانڈیا نے پہلی گیند وائیڈ پھینکی تھی، لیکن پہلی درست گیند پر سیم ایوب جسپریت بمراہ کو کیچ دے بیٹھے۔ دوسرا وکٹ جسپریت بمراہ نے لیا۔ اس کے بعد بھارتی اسپنرز قہر بن کر ٹوٹے اور پاکستانی بیٹنگ تاش کے پتوں کی طرح بکھر گئی۔
کلدیپ یادو، ورون چکرورتی اور اکشر پٹیل کی تکڑی کے سامنے پاکستان 20 اوور میں 9 وکٹ پر 127 رنز ہی بنا سکا۔ اگر نویں نمبر پر بیٹنگ کے لیے آئے شاہین آفریدی نے 16 گیندوں پر 4 چھکے لگا کر ناقابل شکست 33 رنز کی اننگز نہ کھیلی ہوتی، تو پاکستان 100 کا ہندسہ بھی پار نہ کر پاتا۔ صاحبزادہ فرحان نے 44 گیندوں پر 40 رنز بنائے۔
کلدیپ یادو بہترین گیندباز رہے۔ 4 اوور میں محض 18 رنز دے کر انہوں نے 3 وکٹ لیے۔ اکشر پٹیل نے 4 اوور میں 18 رنز دے کر 2 وکٹ لیے۔ جسپریت بمراہ نے 4 اوور میں 28 رنز دے کر 2 جبکہ ورون چکرورتی نے 4 اوور میں 24 رنز دے کر 1 وکٹ لیا۔ ہاردک پانڈیا سب سے مہنگے گیندباز ثابت ہوئے۔ 4 اوور میں 34 رنز دے کر انہوں نے 1 وکٹ حاصل کیا۔
بھارت ایکسپریس۔
ہگلی میں کانگریس کے ساتھ اتحاد کے سوال پر ٹی ایم سی رکن پارلیمنٹ کلیان…
تفتیش کے مطابق سیا اور چیتن اکتوبر 2025 سے مسلسل ایک دوسرے کے رابطے میں…
ٹرمپ اب بھی سمجھتے ہیں کہ تجارتی جنگ میں امریکہ کے پاس برتری ہے، لیکن…
گجرات سے شروع ہونے والا بالاجی ہے، جس نے محدود وسائل سے سفر شروع کیا…
راہل گاندھی کی موجودگی میں ’چھاتروں کی گونج‘ پروگرام کے دوران وزیراعظم نریندر مودی کی…
پنجاب کے بٹالہ میں اچل بائی پاس واقع سچکھنڈ نانک دھام درشن دربار میں اتوار،…