Uttar Pradesh Parivahan: یو پی میں نہیں چلے گی رات 12 بجے کے بعد بس، دھند اور ٹھنڈ کی وجہ سے لیا گیا فیصلہ

Uttar Pradesh Parivahan: دھند کے مد نظر یہ فیصلہ لیا گیا ہے کہ ریاست میں موسم ٹھیک ہونے تک رات 12 بجے کے بعد اتر پردیش پریوہن کی کوئی بھی بس نہیں چلے گی۔ سڑک حادثات سے بچنے کے لئے اس فیصلہ کو عمل میں لایا گیا ہے۔

ملک میں شدید سردی شروع ہوگئی ہے۔ آج صبح گھنی دھند نے دہلی اور یوپی سمیت کئی ریاستوں کو پوری طرح اپنی لپیٹ میں لے لیا تھا۔ دھند کے ساتھ ٹھنڈی ہوائیں بھی چل رہی ہیں۔ جس کی وجہ سے صبح سویرے باہر نکلنے والوں کو شدید پریشانی کا سامنا کرنا پڑ رہا ہے۔

دھند کی وجہ سے کئی سڑک حادثات بھی منظر عام پر آ رہے ہیں۔ دھند کے پیش نظر اور سڑک حادثات کو روکنے کے لیے اتر پردیش ٹرانسپورٹ کارپوریشن نے رات 12 بجے کے بعد اپنی بسیں نہ چلانے کا فیصلہ کیا ہے۔

اکثرسامنے آ رہی ہے حادثات کی خبریں

اتر پردیش کے کئی اضلاع میں سردی کا زور دیکھا جا رہا ہے۔ میرٹھ، کانپور سمیت کئی شہروں میں گھنی دھند اور ٹھنڈی ہواؤں نے لوگوں کی مشکلات بڑھا دی ہیں۔ نوئیڈا اور وارانسی سمیت یوپی کے کئی حصوں سے دھند کی وجہ سے سڑک حادثات کی اطلاعات ہیں۔

رات میں نہیں چلیں گی بسیں

اس کے پیش نظر یوپی روڈ ویز کے منیجنگ ڈائریکٹر (ایم ڈی) ڈاکٹر سنجے کمار نے ویڈیو کانفرنسنگ کے ذریعے تمام افسران کو واضح ہدایات دی ہیں۔ انہوں نے کہا کہ دھند کی وجہ سے حادثات کو روکنے کے لیے یوپی ٹرانسپورٹ کی بسیں رات کے وقت نہیں چلیں گی۔

یہ بھی پڑھیں- Uttar Pradesh BJP: مشن اترپردیش کے سلسلے میں نڈا کی رہائش گاہ پر بڑی میٹنگ – امت شاہ، راجناتھ اور یوگی آدتیہ ناتھ شامل

آن لائن بکنگ بند

منیجنگ ڈائریکٹر ڈاکٹر سنجے کمار نے کہا کہ دھند کی وجہ سے اگلے ایک ماہ تک مسافروں کی حفاظت کو مدنظر رکھتے ہوئے یوپی روڈ ویز کی بسوں میں رات کی خدمات کے لیے آن لائن ریزرویشن روک دیا گیا ہے۔ اس کے علاوہ دھند کی وجہ سے کسی حادثے کو برداشت نہیں کیا جائے گا۔

-بھارت ایکسپریس