یوپی-پنجاب اور ہریانہ میں آج ہو سکتی ہے بارش! بہار-جھارکھنڈ میں گرمی پیدا کرے گی پریشانی، جانئے ملک بھر کے موسم کا حال
Weather Today: دہلی میں امس بھری گرمی نے لوگوں کو بے حال اور پریشان کر دیا ہے۔ دہلی میں شدید گرمی نے لوگوں کا برا حال کر دیا ہے۔ اگست میں گرمی نے گزشتہ ڈھائی سال کا ریکارڈ توڑ دیا ہے۔ دہلی این سی آر کے لوگوں کو کب ملے گی گرمی سے راحت ؟ کیا مانسون دہلی سے ختم ہوگیا ہے؟ ایسے سوالوں کے جواب جاننے سے پہلے محکمہ موسمیات کی جانب سے 31 اگست تک جاری کردہ آؤٹ لک کے
بارے میں جاننا بہت ضروری ہے۔ محکمہ موسمیات کے مطابق دہلی میں 31 اگست تک گرمی مزید بڑھ سکتی ہے۔ زیادہ سے زیادہ درجہ حرارت 39 ڈگری سینٹی گریڈ تک جا سکتا ہے۔
محکمہ موسمیات کے اعداد و شمار
محکمہ موسمیات کے اعداد و شمار کے مطابق گزشتہ جمعہ کو زیادہ سے زیادہ درجہ حرارت معمول سے ایک ڈگری زیادہ یعنی 35.3 اور کم سے کم درجہ حرارت معمول سے ایک ڈگری کم یعنی 25.5 رہا۔ ہفتے کے آخر میں گرمی جاری رہے گی۔ دوسری طرف موسم خشک رہنے کے ساتھ ہی دہلی میں بادل چھائیں رہے گے۔ 28 سے 31 اگست تک گرمی میں مسلسل اضافہ ہوگا۔ اگست کے آخر تک موسم مکمل طور پر خشک رہے گا۔ اس دوران زیادہ سے زیادہ درجہ حرارت 37 سے 39 ڈگری رہنے کا اندازہ لگایا گیا ہے۔
یوپی کے زیادہ تر حصوں میں مسلسل بارش
یوپی کے زیادہ تر حصوں میں مسلسل بارش کی وجہ سے، بنیادی تعلیم کے محکمے نے جمعہ کو ان پرائمری اسکولوں کے لیے ایک ایڈوائزری جاری کی ہے جن میں تمام عمارتیں خستہ حال یا بوسیدا ہیں۔ اس کے تحت اسکول انتظامیہ کو متنبہ کیا گیا ہے کہ کسی بھی حالت میں خستہ حال، تباہ شدہ یا مرمت شدہ اسکولوں میں کلاسز کا انعقاد نہیں کیا جائے گا۔ اس کے ساتھ متنبہ کیا گیا ہے کہ بچوں کو قریبی کونسل اسکولوں میں بھیجنے کے انتظامات کیا جائے۔جو پرانی، تباہ شدہ عمارتوں اور پانی بھر جانے کی وجہ سے خشتہ حال کا شکار ہیں۔
ستمبر میں موسم کیسا رہے گا؟
موسم کا مجازستمبر میں گرم رہنے کا امکان ہے۔ موسم پر نظر رکھنے والے ماہرین کے مطابق ستمبر کا آغاز 40 ڈگری کے درجہ حرارت کے ساتھ ہوسکتا ہے۔ اس کے ساتھ ہی 4 سے 8 ستمبر تک درجہ حرارت 40 سے 42 ڈگری کے آس پاس رہ سکتا ہے۔ دوسری طرف، اسکائی میٹ کے مطابق، اگلے ستمبر میں دہلی-این سی آر میں بارش کا بہت کم امکان ہے۔ مغربی یوپی، ہریانہ اور پنجاب کا موسم بھی خشک رہنے والا ہے۔ اگرچہ ستمبر کے آغاز میں ہریانہ اور پنجاب کے نچلے حصوں میں کچھ بارش ہو سکتی ہے۔ 15 ستمبر تک موسم خشک رہے گا۔ بارش کا کوئی امکان نہیں۔ تاہم ایک یا دو دن تک بوندا باندی ہوسکتی ہے۔ اس دوران زیادہ سے زیادہ درجہ حرارت 36 ڈگری کے آس پاس رہ سکتا ہے۔
بھارت ایکسپریس
پروفیسر شاہد صدیقی نے کہا کہ آج کے نوجوانوں کو اردو سے جوڑنے کے لیے…
مانسون کی سرگرمیاں برقرار، بعض علاقوں میں بارش اور گرج چمک کا امکان؛ دہلی میں…
ڈاکٹر شمس اقبال نے اردو صحافیوں سے زبان کے معیار پر بھی خصوصی توجہ دینے…
بھارت ایکسپریس اردو کے تیسرے نیشنل کانکلیو میں اردو، صحافت اور نئی ٹیکنالوجی پر گفتگو،…
اپنی پرانی یادیں تازہ کرتے ہوئے شاہد صدیقی نے بتایا کہ وہ اردو اخبارات کے…
سری لنکا کی ناقص بیٹنگ کا اندازہ اس بات سے لگایا جا سکتا ہے کہ…