Raghav Chaddha: راگھو چڈا کو راجیہ سبھا میں عام آدمی پارٹی کا لیڈر نہیں مانتے ہیں نائب صدر جمہوریہ جگدیپ دھنکڑ،پارٹی کی مشکلات میں اضافہ

راگھو چڈھا راجیہ سبھا میں عام آدمی پارٹی کے سب سے کم عمر رکن پارلیمنٹ ہیں۔ اس وقت ملک کے ایوان بالا میں عام آدمی پارٹی کے دس ارکان پارلیمنٹ ہیں۔ دہلی کے وزیر اعلی اروند کیجریوال کی پارٹی اس وقت ملک کی چوتھی قومی پارٹی ہے۔ راجیہ سبھا کے چیئرمین اور نائب صدر جگدیپ دھنکڑ نے پارلیمنٹ کے ایوان بالا میں راگھو چڈھا کو پارٹی کا لیڈر مقرر کرنے کی عام آدمی پارٹی کی اپیل کو مسترد کرتے ہوئے عام آدمی پارٹی  کو بڑا جھٹکا دیا ہے۔ عام آدمی پارٹی نے سنجے سنگھ کی جگہ اپنے ایم پی راگھو چڈھا کو پارٹی کے راجیہ سبھا لیڈر کے طور پر قبول کرنے کا مطالبہ کیا تھا۔

عام آدمی پارٹی نے راجیہ سبھا کے چیئرمین کو لکھے اپنے خط میں کہا ہے کہ سنجے سنگھ کی غیر موجودگی میں راگھو چڈھا اب سے ایوان بالا میں پارٹی کے لیڈر ہوں گے، لیکن جگدیپ دھنکڑ نے اسے ماننے سے انکار کر دیا ہے۔ عام آدمی پارٹی کے راجیہ سبھا ممبر سنجے سنگھ اس وقت دہلی کی شراب پالیسی معاملہ کے تحت  جیل میں ہیں۔

راجیہ سبھا سکریٹریٹ کے ذرائع نے اس بات کی تصدیق کی ہے کہ عام آدمی پارٹی کی طرف سے  راگھوچڈھا کی بطور قائد ایوان کی تقرری سے متعلق ایک خط موصول ہوا ہے۔ اس پر مزید کارروائی کرنے کے لیے راجیہ سبھا کے جنرل سکریٹری کو خط بھیجا گیا۔  راگھو چڈھا راجیہ سبھا کے سب سے کم عمر ارکان میں سے ایک ہیں لیکن وہ ایوان میں پارٹی کی بھرپور نمائندگی کرتے رہے ہیں۔

آپ کو بتا دیں کہ عام آدمی پارٹی نے راجیہ سبھا میں پارٹی کا لیڈر مقرر کیا تھا۔ پارٹی نے اس معاملے پر نائب صدر جگدیپ دھنکھڑ کو خط لکھ کر بتایا تھا کہ سنجے سنگھ کی غیر موجودگی میں پارٹی لیڈر راگھو چڈھا ہوں گے، لیکن دھنکھڑ نے صاف صاف انکار کر دیا ہے۔

سنجے سنگھ کے خلاف وارنٹ

سنجے سنگھ پہلے ہی دہلی کی ایکسائز پالیسی سے جڑے ایک معاملے میں جیل میں ہیں، لیکن دوسری طرف سنجے سنگھ کو پی ایم مودی کی تعلیمی ڈگری کے حوالے سے ہتک عزت کے مقدمے کا بھی سامنا ہے۔ احمد آباد میٹروپولیٹن مجسٹریٹ ایس جے پنچال کی عدالت نے ان کے خلاف نوٹس جاری کیا ہے۔