Triple murder in Lucknow: لکھنؤ میں تہرے قتل کی وجہ سے سنسنی، زمین کے تنازع پر فائرنگ سے ایک ہی خاندان کے تین افراد کی موت

اتر پردیش کی راجدھانی لکھنؤ میں تہرے قتل کے واقعے نے سنسنی مچا دی۔ جہاں زمین کی پیمائش کے دوران جھگڑے پر گولیاں چل گئیں اور ایک ہی خاندان کے تین افراد کی موت ہوگئی ۔ واقعے کی اطلاع ملتے ہی پولیس نے موقع پر پہنچ کر لاشوں کو قبضے میں لے کر پوسٹ مارٹم کے لیے بھیج دیا اور معاملے کی تفتیش شروع کردی۔

تہرے قتل کی واردات سے علاقہ میں خوف و ہراس

اتر پردیش کے لکھنؤ سے ایک دل دہلا دینے والا واقعہ سامنے آیا ہے۔ دارالحکومت لکھنؤ کے علاقے ملیح آباد میں زمین کے تنازع پر فائرنگ سے ایک ہی خاندان کے تین افراد کی موت ہوگئی ۔ اس تہرے قتل نے علاقے میں ہلچل مچا دی ہے۔ اس واقعے میں ہلاک ہونےہونے والوں میں ایک ہی خاندان کے افراد میں ماں، بیٹا اور بھابھی شامل ہیں۔ بتایا جا رہا ہے کہ خاندان کے دو گروپوں میں زمین کے ایک ٹکڑے کو لے کر جھگڑا ہوا تھا۔

دو خاندانوں کے درمیان زمین کا تنازع

واقعہ کے بارے میں معلومات دیتے ہوئے لکھنؤ کے ایڈیشنل ڈائرکٹر جنرل آف پولیس ایس بی شراڈکر نے کہا، “فی الحال تحقیقات سے پتہ چلا ہے کہ ایک ہی خاندان کے دو گروپوں کے درمیان زمین کو لے کر تنازعہ تھا۔ آج ایک کھاتہ دار زمین کی پیمائش کے لیے ان کی جگہ پر آیا۔ تاہم دونوں گروپوں میں تصادم ہوا جو بالآخر فائرنگ میں تبدیل ہوگیا۔ “تین افراد، جن میں ایک 17 سالہ نوجوان، اس کی ماں شامل تھی، ان کے ایک رشتہ دار نے قتل کیا تھا۔”

رائفل اور گاڑی قبضے میں لے لی

اے ڈی جی نے کہا، “اس دوران، ہم نے واقعے میں استعمال ہونے والی رائفل اور وہ گاڑی ضبط کر لی ہے جس پر ملزم یہاں آیا تھا۔ اس کے علاوہ ہم نے اس کے کچھ ساتھیوں کو بھی حراست میں لیا ہے۔ ملزمان کی گرفتاری کے لیے کوششیں جاری ہیں مزید تفتیش جاری ہے۔