بیوی کی کینسر سے موت کے بعد شوہر نے چار معذور بیٹیوں کے ساتھ کھالیا زہر، پانچوں ہلاک
ایٹہ: اترپردیش ایٹہ ضلع کے تھانہ کوتوالی دیہات علاقے کے غازی پور پہور گاؤں میں ایک سات سالہ بچی کی مبینہ طور پر عصمت دری اور گلا دبا کر قتل کر دیا گیا۔ پولیس نے اتوار کے رز بتایا کہ لڑکی کی لاش سرسوں کے کھیت سے برآمد ہوئی ہے۔ واقعہ کی اطلاع ملتے ہی سینئر سپرنٹنڈنٹ (ایس ایس پی) راجیش کمار سنگھ اور ایڈیشنل سپرنٹنڈنٹ آف پولیس دھننجے کشواہا بھی موقع پر پہنچ گئے۔
دوپہر 12 بجے سے لاپتہ ہونے کی اطلاع
ایس ایس پی سنگھ نے بتایا کہ ہفتہ کی رات 8.30 بجے کوتوالی دیہات پولیس اسٹیشن کو دوپہر 12 بجے سے ایک سات سالہ بچی کے لاپتہ ہونے کی اطلاع ملی تھی۔ اس معاملے کی تحقیقات کے لیے پولیس ٹیم تشکیل دی گئی اور ڈاگ اسکواڈ کو بلایا گیا۔ کھوجی کتے کی نشاندہی پر مذکورہ لڑکی کی لاش گاؤں کے قریب واقع سرسوں کے کھیت سے برآمد ہوئی۔
اہل خانہ کے حوالے سے انہوں نے بتایا کہ لڑکی دوپہر 12 بجے کے قریب گھر سے اپنے دوستوں کے ساتھ گاؤں میں کھیلنے گئی تھی اور کافی دیر تک واپس نہیں آئی۔ اس کی ماں نے اسے بہت تلاش کیا لیکن وہ کہیں نہ ملی۔ اس کے بعد پولیس کو اطلاع دی گئی اور پولیس نے لاش کو قبضے میں لے لیا۔
شکایت کی بنیاد پر واقعے کی رپورٹ درج
ایس ایس پی کے مطابق پہلی نظر سے ایسا لگتا ہے کہ لڑکی کو زیادتی کا نشانہ بنایا گیا اور گلا دبا کر قتل کیا گیا۔ واقعے سے پردہ اٹھانے کے لیے چار ٹیمیں تشکیل دے دی گئی ہیں۔ انہوں نے کہا کہ ہم قاتل کو جلد گرفتار کرکے سخت سے سخت سزا دلانے کی کوشش کریں گے۔ ایس ایس پی نے بتایا کہ پولیس نے میڈیکل جانچ کے بعد لڑکی کی لاش کو پوسٹ مارٹم کے لیے بھیج دیا ہے اور شکایت کی بنیاد پر واقعے کی رپورٹ درج کر لی گئی ہے۔
بھارت ایکسپریس۔
طالبان نے کئی سخت قوانین نافذ کیے ہیں اور سو سے زائد ایسے احکام منظور…
اداکارہ نینتارہ نے سوشل میڈیا پر لکھے گئے خط میں انکشاف کیا ہے کہ اداکار…
بہوجن وکاس اگھاڑی کے ایم ایل اے کشتیج ٹھاکر نے ونود تاوڑے پر لوگوں میں…
نارائن رانے کا یہ بیان ایسے وقت میں آیا ہے، جب مہاراشٹر حکومت الیکشن کے…
تفتیش کے دوران گل نے یہ بھی انکشاف کیا کہ اس نے بابا صدیقی کے…
وزیر اعظم نریندر مودی نے اپنے غیر ملکی دوروں کا استعمال احتیاط سے منتخب تحائف…