Weather Update: دہلی میں اس ہفتے چلچلاتی گرمی  کا رہے گا اثر ، پارہ 44 ڈگری سینٹی گریڈ تک  جائے گاپہنچ ،

دہلی میں لوگوں کو دوبارہ گرمی کا احساس ہونے لگا ہے۔ جس کی وجہ سے لوگ دوپہر کو گھر سے باہر نکلنے سے پہلے سوچ رہے ہیں کہ کیا کریں اور کیا نہ کریں۔ ایسا اس لئےہے کہ دہلی این سی آر میں شدید گرمی شروع ہو گئی ہے اور درجہ حرارت آسمان کو چھونے لگاہے۔

پیر کو دہلی میں زیادہ سے زیادہ درجہ حرارت 40.2 ڈگری سیلسیس ریکارڈ کیا گیا، جو اس موسم کے اوسط درجہ حرارت سے ایک ڈگری زیادہ ہے۔ قومی راجدھانی میں رات بھردھول بھری آندھی  کے طوفان اور بارش کے بعد ہفتہ کو موسم خوشگوار ہوگیاتھا۔ جب کہ پیر کا دن گرم اور امس بھر ا رہا۔ محکمہ موسمیات نے توقع ظاہر کی ہے کہ منگل سے زیادہ سے زیادہ درجہ حرارت بڑھے گا اور جمعہ تک یہ 44 ڈگری سینٹی گریڈ تک پہنچ جائے گا۔

دہلی میں گرمیوں کا موسم شروع ہوگا

اس کا سیدھا سا مطلب ہے کہ آنے والے دنوں میں ہم گرمی کا سمت  دیکھیں  گے۔ محکمہ موسمیات کے مطابق فی الحال گرمی کی لہروں کی کوئی پیش گوئی نہیں ہے۔ پیر کو علاقے میں کچھ بادل چھائے رہے، لیکن دہلی پر اس کا زیادہ اثر نہیں دیکھا گیا۔ محکمہ موسمیات کے اہلکار نے کہا، “منگل کو صاف آسمان کی وجہ سے درجہ حرارت بڑھے گا۔ کسی ویسٹرن ڈسٹربنس کی پیش گوئی نہیں کی گئی ہے، جس کا مطلب ہے کہ اگلے چھ دنوں تک بارش نہیں ہوگی۔

شہر میں رواں ماہ بارش  میں 96 فیصد کمی

اس ماہ شہر میں بارش میں 96 فیصد کمی دیکھی گئی ہے۔ محکمہ موسمیات کی پیشین گوئی کے مطابق دہلی میں منگل کو آسمان صاف رہنے کا امکان ہے اور زیادہ سے زیادہ اور کم سے کم درجہ حرارت بالترتیب 41 اور 26 ڈگری سیلسیس کے آس پاس رہنے کا امکان ہے۔ اس سیزن میں دہلی میں درجہ حرارت پہلے ہی 40 ڈگری سیلسیس کو پار کر چکا ہے۔ پیشین گوئی کے مطابق 15 سے 19 مئی کے درمیان 25 سے 35 کلومیٹر فی گھنٹہ کی رفتار سے تیز ہوائیں چلنے کا امکان ہے۔

آج کئی مقامات پر بارش کی پیشگوئی

محکمہ موسمیات نے کہا کہ آج کچھ ریاستوں میں بارش ہوسکتی ہے۔ آئی ایم ڈی کے مطابق اڑیشہ، آندھرا پردیش کے ساحلی علاقوں کے علاوہ کرناٹک اور کیرالہ میں ہلکی بارش متوقع ہے۔ اس کے ساتھ ہی تمل ناڈو، تلنگانہ، مدھیہ مہاراشٹر، آندھرا پردیش اور انڈمان اور نکوبار جزائر کے ساتھ ساتھ سکم اور اروناچل پردیش میں کچھ مقامات پر بارش ہوسکتی ہے۔

بھارت ایکسپریس