PwC India targets three-fold revenue growth by 2030, 20,000 new jobs: پی ڈبلیو سی انڈیا کا 2030 تک تین گنا ریونیو بڑھانے اور 20,000 نئی نوکریاں

پی ڈبلیو سی انڈیا نے منگل کو جاری کردہ ایک پریس بیان میں کہا کہ وہ آئندہ پانچ سالوں میں اپنی آمدنی کو تین گنا بڑھانے اور 2030 تک 20,000 اضافی ملازمتیں پیدا کرنے کا ہدف رکھتا ہے۔ پی ڈبلیو سی انڈیا نے اپنے وژن 2030 کے اجراء کے موقع پر کہا کہ وہ ٹائر II اور ٹائر III شہروں میں اپنے آپریشنز کو وسعت دے گا اور ڈیجیٹل تبدیلی، پائیداری، خطرات اور ضوابط، کلاؤڈ، اور سائبر سیکورٹی جیسے اہم کاروباری شعبوں پر اپنی توجہ مزید مرکوز کرے گا تاکہ کلائنٹس کو تبدیلی کے دور میں آگے رکھا جا سکے۔

یہ “بگ فور” فرم ہر سال اپنی آمدنی کا 5 فیصد ٹیکنالوجی، جدت، اور صلاحیتوں کے فروغ میں اور 1 فیصد آمدنی ملازمین اور شراکت داروں کی تربیت میں لگائے گی۔

پی ڈبلیو سی انڈیا کے چیئرمین سنجیو کرشنن نے کہا، “ہم مستقبل کے لیے تیار ورک فورس بنانے پر توجہ دے رہے ہیں، جس میں سیکھنے کے مواقع کو وسیع بنانا، قیادت میں خواتین کو ترجیح دینا اور ایک ایسا شمولیتی ترقی کا سفر فراہم کرنا شامل ہے جس میں ہمارے لوگ — کیمپس سے لے کر بورڈ روم تک — ترقی کر سکیں۔”

پی ڈبلیو سی کا کہنا ہے کہ اس کی ترقی کی حکمتِ عملی 6 “گو لانگ” شعبوں پر مبنی ہے، جن میں مالیاتی خدمات، صحت، صنعتی مینوفیکچرنگ، آٹو، ٹیکنالوجی اور میڈیا و ٹیلی کام شامل ہیں۔ کمپنی کے مطابق  یہ وہ شعبے ہیں ،جہاں تبدیلی کے سب سے بڑے مواقع موجود ہیں۔

پریس بیان میں کمپنی نے کہا کہ ان شعبوں میں کلائنٹس کی آئندہ کامیابی کے لیے کاروباری ماڈلز، آپریشنز، ٹیکنالوجی، اور وسائل کے استعمال میں جرات مندانہ تبدیلیاں درکار ہوں گی۔

کرشنن نے مزید کہا،”ہمارے لیے وژن 2030 بھارت کی ترقی کی صلاحیت کو بنیاد بنا کر اپنے کاروبار میں نمایاں تبدیلیاں لانے کا موقع ہے۔ ہم ٹائر II اور III شہروں میں وسعت لا رہے ہیں، شعبہ جاتی مہارت کو بڑھا رہے ہیں، اور اپنی خدمات کے مرکز میں ڈیجیٹل اور ٹیکنالوجی کی صلاحیتیں شامل کر رہے ہیں۔”

پی ڈبلیو سی انڈیا نے کہا کہ وہ ایک روایتی سروس فراہم کنندہ فرم سے ایک جدید، نتائج پر مرکوز ماڈل کی طرف بڑھ رہا ہے، جو گہری شعبہ جاتی مہارت اور جدید ٹیکنالوجی جیسے کہ جنریشنل AI (GenAI) پر مبنی ہے۔ کمپنی کا ماننا ہے کہ آئندہ پانچ سال بھارت کے لیے ایک فیصلہ کن دور ہوں گے، جس میں وہ اپنی قیادت، تشکیل، اور مستقبل کی تعمیر کرے گا — “کل کا بھارت” بننے کی جانب۔

کرشنن نے مزید کہا، “ہم دیکھ رہے ہیں کہ ترقی اب ان نئے شعبوں کی طرف منتقل ہو رہی ہے، جو انسانی ضروریات پر مبنی ہیں۔ یہ شعبے مستقبل کی مارکیٹوں کو تشکیل دیں گے اور ہمیں اپنے کلائنٹس اور ملک کی خدمت کرنے کے منفرد مواقع دیں گے۔ یہ ہمارا لمحہ ہے — قیادت کرنے اور آنے والے وقت کی سمت متعین کرنے کا۔”

فی الوقت، پی ڈبلیو سی انڈیا تمام بڑے شہروں میں موجود ہے اور اس کے پاس تقریباً 900 پارٹنرز اور 30,000 پروفیشنلز کی ٹیم ہے۔

بھارت ایکسپریس اردو