Sleeping on bed with stack of Rs 500 Notes: نوٹوں کی گڈیوں کے ساتھ سوئے ہوئے شخص کی تصویر انٹرنیٹ پر وائرل، اس پارٹی سے ہے تعلق

لوک سبھا انتخابات سے پہلے، آسام میں ایک تنازعہ کھڑا ہو گیا، یونائیٹڈ پیپلز پارٹی لبرل (یو پی پی ایل) کے ایک معطل رکن کی مبینہ طور پر کرنسی نوٹوں کی گڈیوں کے ساتھ سونے کی تصویر سوشل میڈیا پر وائرل ہو رہی ہے۔ تاہم اس تصویر کی باضابطہ  طور پر تصدیق نہیں ہو سکی ہے۔ اس تصویر میں یو پی پی ایل کے ایک معطل رکن کو 500 روپے کے نوٹوں کی گڈیوں کے ساتھ بستر پر سوتے ہوئے دیکھا جا سکتا ہے۔ معطل رکن کی شناخت بنجمن باسوماتری کے طور پر کی گئی ہے، جو پارٹی کی ویلج کونسل ڈیولپمنٹ کمیٹی (وی سی ڈی سی) کے رکن ہیں۔

اس حوالے سے میڈیا کی جانب سے باسوماتری سے رابطہ نہیں ہوسکا تاہم ان کے قریبی ذرائع نے دعویٰ کیا کہ یہ تصویر پرانی ہے اور اسے انتخابات کے دوران جان بوجھ کر ’’سیاسی فائدے‘‘ کے لیے پھیلایا گیا ہے۔ یو پی پی ایل نے یہ کہہ کر خود کو اس معاملے سے دور کرنے کی کوشش کی کہ باسوماتری کو معطل کر دیا گیا ہے اور انہیں وی سی ڈی سی کے عہدے سے بھی ہٹا دیا گیا ہے۔ یو پی پی ایل کے سربراہ پرمود بورو نے دعویٰ کیا کہ پارٹی کی ہری سنگھ بلاک کمیٹی نے اس سال 5 جنوری کو باسوماتری کے خلاف تادیبی کارروائی کی سفارش کی تھی اور اس کے مطابق، تصویر کی وجہ سے انہیں 10 جنوری کو معطل کر دیا گیا تھا۔

UPPL سے کوئی تعلق نہیں۔

انہوں نے سوشل میڈیا پلیٹ فارم ‘ایکس ‘ پر ایک پوسٹ میں کہا کہ باسوماتاری کو 10 فروری 2024 کووی سی ڈی سی چیئرمین کے عہدے سے ہٹا دیا گیا تھا۔ اپنی پوسٹ میں انہوں نے میڈیا اور سوشل میڈیا صارفین پر زور دیا کہ وہ یو پی پی ایل کو باسوماتری کے ساتھ نہ جوڑیں۔ بورو نے کہا کہ باسوماتری کے اقدامات مکمل طور پر ان کی اپنی ذمہ داری ہیں اور پارٹی ان کے کسی بھی ذاتی عمل کے لیے جوابدہ نہیں ہے۔