Air Pollution: آتش بازی کی وجہ سے دہلی اور اتر پردیش کی ہوا کا معیار انتہائی خراب ، دہلی کا نام ٹاپ ٹین شہروں میں نہیں

 دیوالی کے بعد دہلی، نوئیڈا، گروگرام اور نیشنل کیپیٹل ریجن (این سی آر) کے آس پاس کی ہوا زہریلی ہو گئی ہے۔ پٹاخوں پر پابندی کے سپریم کورٹ کے حکم کے باوجود راجدھانی دہلی میں بہت زیادہ پٹاخے  جلائے گئے۔ اگر دیوالی کے بعد ملک کے ٹاپ 10 آلودہ شہروں کی بات کریں تو دہلی کے مقابلے اتر پردیش کے شہروں میں سانس لینے میں زیادہ پریشانی ہورہی ہے۔ آتش بازی کی وجہ سے دہلی اور اتر پردیش کی ہوا کا معیار انتہائی خراب زمرے میں پہنچ گیا ہے۔

دہلی کا نام ٹاپ ٹین آلودہ شہروں میں نہیں

اتر پردیش کے کئی شہر ایسے ہو گئے ہیں کہ آلودگی کی وجہ سے ہر طرف دھوئیں کے بادل چھائے ہوئے ہیں۔ یوپی میں سنبھل کی ہوا سب سے زیادہ آلودہ ہے، یہاں AQI 423 ریکارڈ کیا گیا ہے۔ اس کے بعد یوپی کے مرادآباد کا AQI 414 دوسرے نمبر پر، رامپور کا AQI 407 تیسرے نمبر پر، سہارنپور کا AQI 387 چوتھے نمبر پر، بدایوں کا AQI 383 پانچویں نمبر پر، پیلی بھیت کا AQI 383 چھٹے نمبر پر، ساتویں نمبر پر شاہجہاں پور AQI 383 ہے، آٹھویں نمبر پر بریلی AQI 383 ہے، نویں نمبر پر امبالا AQI 379 ہے اور 10ویں نمبر پر میرٹھ ہے، جس کا AQI 374 ہے۔

دہلی میں رات بھر آتش بازی کا سلسلہ جاری رہا

اس فہرست میں خراب ہوا کے معاملے میں دہلی 11ویں نمبر پر ہے۔ دہلی کا AQI 353 ریکارڈ کیا گیا ہے۔ آلودگی کے حوالے سے جاری کردہ یہ AQI 1 نومبر 2024 کو صبح 10 بجے کا ہے۔ دہلی حکومت نے پٹاخوں پر پابندی کو نافذ کرنے اور مقامی انجمنوں کے ذریعے بیداری پھیلانے کے لیے 377 انفورسمنٹ ٹیمیں تشکیل دی تھیں۔ اس کے باوجود مشرقی اور مغربی دہلی کے علاقوں میں بڑے پیمانے پر پابندیوں کی خلاف ورزی کی اطلاعات ہیں۔ دھندلے آسمان نے 2020 کی ‘شدید’ آلودگی کی یادیں تازہ کر دیں، کیونکہ رات 9 بجے پی ایم  2.5 اور رات10 بجے  کی سطح بالترتیب 145.1 اور 272 مائیکروگرام فی کیوبک میٹر ہو گئی۔

بڑھتی ہوئی آلودگی سے نمٹنے کے لیے دہلی حکومت نے قومی راجدھانی میں مسلسل پانچویں سال پٹاخوں کی تیاری، ذخیرہ اندوزی، فروخت اور استعمال پر مکمل پابندی کا اعلان کیا تھا، لیکن اس کا کوئی خاص اثر نہیں دیکھا گیا۔

بھارت ایکسپریس