MP Election: جیوترادتیہ سندھیا نے کیا بڑا کھیل! نامزدگی سے پہلے ایس پی امیدوار کو کرا دیا بی جے پی میں شامل

MP Election: مدھیہ پردیش میں اسمبلی انتخابات کا بگل بج رہا ہے۔ 30 اکتوبر نامزدگی کا آخری دن تھا۔ جس میں بی جے پی کے راجیہ سبھا ایم پی اور مرکزی وزیر جیوترادتیہ سندھیا نے بڑا دائو کھیلا ہے۔ سندھیا نے آخری وقت میں ایس پی امیدوار کو بی جے پی میں شامل کرا دیا۔ سندھیا کے حامی بھکتی تیواری ایک بار پھر بی جے پی میں شامل ہو گئے ہیں۔ ٹکٹ نہ ملنے سے ناراض بھکتی تیواری نے بی جے پی چھوڑ دی تھی۔ بھکتی تیواری نے 2020 میں سندھیا کے ساتھ بی جے پی میں شمولیت اختیار کی تھی۔ اس بار بی جے پی نے انہیں ٹکٹ نہیں دیا تو وہ ایس پی میں شامل ہوگئے اور کھرگاپور اسمبلی سیٹ سے ٹکٹ حاصل کیا۔ لیکن نامزدگی کے آخری دن وہ دوبارہ بی جے پی میں شامل ہو گئے۔

سندھیا کی سیاست نے ایس پی کو دیا جھٹکا

دراصل، بھکتی تیواری جیوترادتیہ سندھیا کے حامی رہے ہیں۔ 2020 میں، وہ سندھیا کی حمایت میں بی جے پی میں شامل ہوئے تھے اور اس بار وہ کھڑگاپور اسمبلی سیٹ سے ٹکٹ مانگ رہے تھے۔ جب انہیں بی جے پی سے ٹکٹ نہیں ملا تو وہ کانگریس میں شامل ہو گئے، لیکن کانگریس نے بھی بھکتی تیواری کو امیدوار نہیں بنایا۔ اس کے بعد ایس پی نے انہیں اسمبلی کا ٹکٹ دیا۔ لیکن نامزدگی کے آخری دن، سندھیا نے انہیں بی جے پی میں واپس آنے پر مجبور کیا اور سماج وادی پارٹی کو بڑا جھٹکا دیا۔

یہ بھی پڑھیں- Electoral Bonds: سپریم کورٹ میں انتخابی بانڈز پر سماعت آج،جانیں- بی جے پی، کانگریس اور دیگر پارٹیوں کو کتنا ملتا ہے عطیہ؟

لیڈروں سے ناراض ہیں لوگ

آپ کو بتاتے چلیں کہ مدھیہ پردیش اسمبلی انتخابات کی مہم زوروں پر ہے۔ تمام جماعتوں کے امیدوار گاؤں سے شہر تک عوام تک پہنچ کر ووٹ مانگ رہے ہیں۔ اس دوران کئی لیڈروں کو عوامی ناراضگی کا بھی سامنا کرنا پڑ رہا ہے۔ اسی سلسلے میں بی جے پی کے سابق ایم ایل اے راجندر میشرام کو بھی عوام کے غصے کا شکار ہونا پڑا۔ راجندر میشرام سنگرولی ضلع کے دیوسر اسمبلی سے بی جے پی کے امیدوار ہیں۔ جہاں وہ ووٹ مانگنے اپنے حامیوں کے ساتھ کتھورا گاؤں پہنچے تھے۔ جیسے ہی میشرام کتھورا گاؤں پہنچے، وہاں کے لوگوں نے احتجاج شروع کر دیا اور مردہ باد کے نعرے لگائے۔

ریاست میں 17 نومبر کو ہوگی ووٹنگ

قابل ذکر ہے کہ مدھیہ پردیش میں اسمبلی کی 230 سیٹیں ہیں۔ ان سیٹوں پر ووٹنگ 17 نومبر کو ہوگی۔ ووٹوں کی گنتی 3 دسمبر کو ہوگی۔ ریاست میں کانگریس اور بی جے پی کے درمیان سخت مقابلہ دیکھا جا رہا ہے۔

-بھارت ایکسپریس