علاقائی

Human Finger Found in Ice cream: ممبئی میں آئس کریم کے اندر سے نکلی انسان کی کٹی ہوئی انگلی، خاتون نے آن لائن آرڈر کی تھی، مقدمہ درج

ممبئی کے ملاڈ علاقے سے ایک حیران کن معاملہ منظر عام پر آیا ہے۔ ایک خاتون نے دعویٰ کیا ہے کہ آئس کریم کون کے اندر سے انسان کی کٹی ہوئی انگلی ملی ہے۔ خاتون نے اس کی تصویر شیئر کی اور پولیس میں شکایت درج کرائی۔ ان کا کہنا ہے کہ انہوں نے آئس کریم آن لائن آرڈر کی تھی۔

ابتدائی تفتیش میں پولیس کا کہنا ہے کہ آئس کریم کون میں انسانی جسم کے اعضاء موجود ہیں۔ مزید تصدیق کے لیے پولیس نے آئس کریم سے ملنے والے انسانی جسم کے حصے کو ایف ایس ایل بھجوا دیا ہے۔

خاتون نے دعویٰ کیا کہ اس نے آدھی سے زیادہ آئس کریم کھا لی ہے لیکن جیسے ہی اسے احساس ہوا کہ کچھ گڑبڑ ہے تو اس نے آئس کریم میں ایک کٹی ہوئی انسانی انگلی دیکھی۔ پولیس کا کہنا ہے کہ “ایک عورت کو آن لائن آرڈر کی گئی آئس کریم کون کے اندر انسانی انگلی کا ایک ٹکڑا ملا۔” جس کے بعد خاتون ملاڈ تھانے پہنچ گئی۔ ملاڈ پولیس نے یمو آئس کریم کمپنی کے خلاف مقدمہ درج کرکے آئس کریم کو تحقیقات کے لیے بھیج دیا ہے۔ آئس کریم میں ملنے والے انسانی جسم کے حصے کو ایف ایس ایل (فارنزک) بھیج دیا گیا ہے۔

جب اورلیم کے رہائشی برینڈن سیراؤ (27) نے بدھ کے روز ایک آن لائن ڈیلیوری ایپ کے ذریعے آئس کریم کون کا آرڈر دیا، تو انہیں اندازہ نہیں تھا کہ ایک حیران کن معاملہ سے وہ دوچار ہونگی ۔ خاتون نے بتایا کہ آئس کریم کے اندر تقریباً 2 سینٹی میٹر لمبا انسانی انگلی کا ٹکڑا تھا۔ سیراؤ پیشے سے ایم بی بی ایس ڈاکٹر ہیں۔

 خاتون کی بہن کے مطابق اس کی بہن صبح کے وقت ایک آن لائن ڈیلیوری ایپ کے ذریعے گروسری کا آرڈر دے رہی تھی جب اس نے اسے فہرست میں تین بٹرسکوچ کون آئس کریم شامل کرنے کو کہا۔ آئس کریم کی ڈیلیوری ہوئی تو اس نے کون کھولا تو انگلی کا ٹکڑا نکل آیا۔ اس نے واقعہ کے بارے میں ملاڈ پولیس کو مطلع کر دیا ہے۔ ایک سینئر پولیس افسر نے بتایا کہ جس جگہ پر آئس کریم بنائی اور پیک کی گئی تھی اس کی بھی تلاشی لی جائے گی۔

 بھارت ایکسپریس۔

Amir Equbal

Recent Posts

Virender Sehwag: ٹام لیتھم دونوں اننگز میں صفر پر آؤٹ ہوکر رقم کردی تاریخ، وریندر سہواگ کا توڑ دیا ریکارڈ

ہندوستان کے سابق جارحانہ اوپننگ بلے باز وریندر سہواگ اپنے ٹیسٹ کیریئر میں مجموعی طور…

20 minutes ago

Ghaziabad Massive Fire: غازی آباد کے پلاسٹک گودام میں بھیانک آتشزدگی، آگ بجھانے میں لگے 8 گھنٹے

فائر بریگیڈ کے مطابق آگ لگنے کی اطلاع رات 12 بج کر 33 منٹ پر…

1 hour ago

Gautam Adani, Chairman of the Adani Group: ماتا امرتا آنندمئی سے ملاقات انتہائی جذباتی اور متاثر کن تجربہ تھا: گوتم اڈانی

نائب صدر جمہوریہ سی پی رادھا کرشنن نے کیرالہ کے کولم ضلع میں واقع امرت…

2 hours ago