ریاست اترپردیش کے پرتاپ گڑھ کے ایک دولہے کا ویڈیو سوشل میڈیا پر خوب وائرل ہورہی ہے، در اصل یہاں ایک دولہے کو پیڑ سے باندھ کراس کی جم کر پٹائی کی گئی، جانکاری کے مطابق دولہے کے جہیز کے مطالبہ پر دولہن کے اہل خانہ کافی برہم ہوگئے اور دولہے کو پیڑ سے باندھ د یا گیا، اتنا ہی نہیں دولہے کے علاوہ باراتیوں کو بھی لوگوں کے غم وغصہ کا عتاب جھیلنا پڑا۔ یہ واقعہ پرتاپ گڑھ کے ماندتھا علاقہ کے ہرکھپور کا بتایاجارہا ہے،جونپورسے بارات آئی تھی، لڑ کی والوں نے بڑے دھوم دھام سے باراتیوں کا استقبال کیا۔
دولہے نے جہیز کا مطالبہ کیا
بتا یاجارہاہے کہ شادی کی تقریب میں سب کچھ ٹھیک ٹھاک چل رہا تھا،اچانک جئے مالہ کے رسم کے وقت دولہے نے دولہن والوں سے جہیز کا مطا لبہ کردیا۔ لڑکی والوں نے بہت سمجھا یا، دولہے کے ساتھ آئے باراتیوں نے دولہے کو خوب سمجھایا، لیکن دولہے نے کسی کی ایک نہ سُنی، اس کے بعد برہم لڑکی والوں نے دولہے کو پیڑ سے باندھ دیا، دولہے کو بچانے آئے باراتیوں پر بھی لوگوں کا غصہ پھوٹ پڑا، فریقین کے درمیان تنازعہ کے بڑھنے کے بعد پولیس کو اس کی اطلاع دی گئی، مقامی پولیس نے دولہے اور باراتیوں کو لڑکی والوں کے قبضہ آزاد کرایا، فریقین کو تھانہ طلب کیا گیا، تھانہ کے احاطہ میں دن بھر پنچائیت چلتی رہی ،پولیس نے دولہے کو گرفتار کر لیا۔
دولہے نے جہیز میں کیا مانگ لیا؟
در اصل 14 جون کو پرتاپ گڑھ کے ہرکھپور میں رامی کشورورما کی بیٹی کی شادی تھی، بارات جونپور کے سکرا لودہ گاؤں سے آئی تھی، لڑ کی اہل خانہ نے دولہے سمیت باراتیوں کا شاندار استقبال کیا۔ اسی دوران دولہے اور اس کے رشتہ داروں نے لڑکی کے والد سے جہیز کا مطالبہ کردیا، جہیزکا مطالبہ کئے جانے کے بعد دولہن کے رشتہ داروں کی جانب سے دولہے اور اس کے رشتہ داروں کو کافی سمجھا گیا، تاہم دولہا کسی بھی قمیت پربغیر جہیز کے شادی کے لئے تیا رنہیں ہوا۔ رفتہ رفتہ فریقین کے درمیان تنازعہ بڑھتا گیا۔ باراتی اور لڑکی کے رشتہ داروں کے درمیان ہاتھا پائی کی نوبت تک پہنچ گئی۔
سیمینار کی خاص کشش ’اٹھنی‘ نکڑ ناٹک کی پیش کش رہی، جسے پرتدھونی تھیٹر سوسائٹی…
کانگریس صدر ملیکارجن کھڑگے نے کہا کہ یہ صرف ووٹ بچانے کی لڑائی نہیں، بلکہ…
خبر رساں ایجنسی پی ٹی آئی کے مطابق، کیرالا ہائی کورٹ نے ایڈیشنل ڈسٹرکٹ اینڈ…
راہل گاندھی نے انتخابی بے ضابطگیوں کے الزامات اور الیکشن کمیشن کے خلاف جاری احتجاج…
آن لائن کلاسوں سے متعلق جاری ہدایت میں یونیورسٹی انتظامیہ نے طلبا سے کیمپس نہ…
راجیو گوبا نے کہا کہ پہلے بنیادی ڈھانچے کی ترقی مختلف محکموں اور وزارتوں کی…