Oommen Chandy Death: کیرالہ کے سابق وزیر اعلیٰ اومن چانڈی کا انتقال، طویل عرصے سے علیل تھے

Oommen Chandy Death: کیرالہ کے سابق وزیر اعلی اور کانگریس کے سینئر رہنما اومن چانڈی کا منگل (18 جولائی) کو انتقال ہوگیا۔ وہ کانگریس لیڈر راہل گاندھی کے ساتھ بھارت جوڑو یاترا میں بھی نظر آئے تھے۔ کیرالہ کانگریس کے صدر کے سدھاکرن اور اومن چانڈی کے رشتہ داروں نے منگل کو ان کی موت کی اطلاع شیئر کی۔ اومن چانڈی، جنہیں کانگریس کا تجربہ کار لیڈر کہا جاتا تھا، کی عمر 79 برس تھی۔

ان کا چنمایا مشن اسپتال بنگلورو میں علاج چل رہا تھا۔ وہیں کیرالہ کانگریس کے صدر کے سُدھاکرن نے ٹویٹ کرکے اومن چانڈی کے انتقال پر غم کا اظہار کیا۔ انہوں نے ٹویٹ کیا کہ کیرالہ کے سابق وزیر اعلیٰ اور کانگریس کے سینئر لیڈر اومن چانڈی کا انتقال ہو
گیا-آج مجھے ایک عظیم انسان کے انتقال سے بہت دکھ ہوا ہے۔

بیٹے نے موت کی اطلاع دی
ان کے بیٹے نے کانگریس کے ایک سینئر لیڈر کی موت کی اطلاع دی۔ انہوں نے اومن چانڈی کے فیس بک پیج پر لکھا کہ اپا اب نہیں ہیں۔ اومن چانڈی، جو کیرالہ کے دو بار وزیراعلیٰ رہے، انہوں  نے منگل کو بنگلورو میں آخری سانس لی۔ ذرائع کے مطابق، اومن چانڈی، جو طویل عرصے سے بیمار تھے، بنگلورو کے ایک اسپتال میں زیر علاج تھے۔

ان کی موت پر، کیرالہ کانگریس نے کہا کہ اومن چانڈی کو تمام نسلوں اور آبادی کے تمام طبقات پیار کرتے تھے۔ کیرالہ کانگریس نے ٹویٹ کیا، “ہمارے سب سے پیارے رہنما اور سابق وزیر اعلی کو الوداع کرنا بہت افسوسناک ہے۔ اومن چانڈی کیرالہ کے سب سے مقبول اور منفرد لیڈروں میں سے ایک تھے۔ چنڈی سر کو ہر نسل اور طبقے کے لوگ پیار کرتے تھے۔ کانگریس خاندان ان کی قیادت اور توانائی کی کمی محسوس کرے گا۔

بھارت ایکسپریس