Bihar Lok Sabha Elections: ‘اتنےزیاہ بال بچے …’، اسٹیج سے کس کے تعلق سے وزیر اعلی نتیش کمار نے کہی یہ بات؟

بہار کے وزیر اعلی نتیش کمار نے ہفتہ کو بہار کے کٹیہار کے دادکھوڈا بلاک کے ڈومریا میں این ڈی اے کے جے ڈی یو امیدوار دلال چند گوسوامی کی حمایت میں ایک جلسہ عام سے خطاب کیا۔ جہاں انہوں نے آر جے ڈی سربراہ لالو یادو کو نشانہ بنایا۔ انہوں نے لالو رابڑی کی حکمرانی کو جنگل راج بتایا۔ مزید حملہ کرتے ہوئے انہوں نے کہا کہ کیا لالو رابڑی کو اتنے بچوں کو جنم دینا چاہیے؟ کیا کسی کے اتنے بچے ہیں؟ اپنے ہی بیٹوں اور بیٹیوں کو ٹکٹ دیتے ہیں۔ مسلمانوں کو آر جے ڈی نے دھوکہ دیا ہے۔

‘بہار میں پہلے جنگل راج ہوا کرتا تھا’

  وزیر اعلی  نتیش کمار نے اپوزیشن لیڈر تیجسوی یادو کو نشانہ بناتے ہوئے کہا کہ بہار میں پہلے جنگل راج تھا۔ پہلے جب کہیں تعلیم حاصل ہوتی تھی تو لڑکی مشکل سے پانچویں جماعت تک پڑھ پاتی تھی۔ آگے نہیں بڑھ سکتی تھی۔ حالت ناگفتہ بہ تھی ۔ اس کے بعد ہم نے لڑکیوں کو آگے بڑھانے اور ان کو زیور تعلیم سے آراستہ کرنے کے لئےبہت کچھ کیا۔ ہم نے لڑکوں اور لڑکیوں کے لیے ڈریس اسکیم سمیت کئی اسکیمیں چلائیں۔ ان کی قیادت میں بہار میں ترقی ہوئی۔ تعلیم ہو، سڑکیں ہوں، ہسپتال ہوں یا رہائش، ہر شعبے میں ترقی ہوئی ہے۔

لالو-رابڑی راج پر سی ایم نے کافی بات کی۔

وزیراعلیٰ نے کہا آر جے ڈی کے دور اقتدار میں  کوئی شام کو پہلے گھر سے نکلتا تھا؟ پہلے جب ہم اپنے علاقے میں جاتے تھے تو کہیں سڑکیں نہیں تھیں۔ پیدل جانا پڑا۔ ان لوگوں نے کوئی کام نہیں کیا۔ کہیں کچھ نہیں تھا، سڑکیں نہیں، ہسپتالوں میں علاج نہیں تھا۔ ہم کچھ بھی نہیں بھولے۔ آپ لوگ بھی نہیں بھولیں گے… ساتھ ہی انہوں نے مسلمانوں کو لے کر آر جے ڈی پر بھی حملہ کیا۔ انہوں نے کہا کہ مسلمانوں کے لیے کیا کیا؟ پہلے اتنی لڑائی ہوتی تھی یہ کسی سے مخفی اور پوشیدہ نہیں ہے۔