Accident in Odisha: اوڈیشہ کے گنجام میں دردناک حادثہ، اسکوٹر اور موٹرسائیکل کے درمیان زبردست تصادم، پانچ افراد ہلاک، ایک زخمی

برہم پور: اوڈیشہ کے گنجام میں اسکوٹر اور موٹرسائیکل کے درمیان ہونے والے تصادم میں پانچ افراد ہلاک اور ایک شدید زخمی ہوگیا۔ حادثے کے بعد پولیس نے موقع پر پہنچ کر تمام لاشیں نکال کر پوسٹ مارٹم کے لیے بھیج دیں۔ پوسٹ مارٹم کے بعد پولیس ان کی لاشوں کو آخری رسومات کے لیے ان کے اہل خانہ کے حوالے کرے گی۔ پولیس نے جمعہ کے روز یہ جانکاری دی۔ پولیس نے بتایا کہ یہ حادثہ جمعرات کی رات سورڑا کے قریب کیشری پٹنا میں پیش آیا اور دونوں دو پہیہ گاڑیوں پر تین تین لوگ سفر کر رہے تھے۔

پولیس کے مطابق یہ حادثہ گھنی دھند کے باعث حد نگاہ کم ہونے کی وجہ سے پیش آنے کا خدشہ ہے۔ انہوں نے بتایا کہ مرنے والوں کی شناخت شریکانت گوڑا، منوج ڈاکوا، مہیندر نائک، جینت بدتیا اور رجنی گوڑا کے طور پر کی گئی ہے۔ رجنی کی عمر 43 سال تھی اور باقی سب کی عمریں 30 سے ​​35 سال کے درمیان تھیں۔ پولیس نے بتایا کہ چار لوگوں کی موقع پر ہی موت ہوگئی جبکہ جینت کی موت MKCG میڈیکل کالج اور اسپتال کے راستے میں ہوئی۔ انہوں نے بتایا کہ حادثے میں زخمی ہونے والے ایک شخص کی حالت تشویشناک بتائی جا رہی ہے۔

اسکوٹر اور موٹر سائیکل میں زبردست تصادم

جانکاری کے مطابق جمعرات کی رات تقریباً 11 بجے پورن، منوج اور شریکانت بائک سے اپنے گاؤں دولاڑ جا رہے تھے۔ اسی وقت مہیندر، رجنی اور جینت سورڈا اسکوٹر پر بیٹھے مخالف سمت سے آرہے تھے۔ پھر آمنے سامنے تصادم ہوا۔ تین افراد کی موقع پر ہی موت ہو گئی، جبکہ دیگر شدید زخمیوں کو خون میں لت پت نکال کر سوراڈا میڈیکل کالج میں داخل کرایا گیا۔ دو افراد وہاں پہنچنے سے پہلے ہی دم توڑ چکے تھے۔ شدید زخمی پورنا گوڑ کو برہم  پور منتقل کیا گیا ہے۔ اطلاع ملتے ہی پولیس موقع پر پہنچ گئی اور تفتیش شروع کر دی۔

بھارت ایکسپریس۔