Fire In Mathura: متھرا کے پٹاخہ بازار میں لگی آگ، کئی دکانیں جل کر خاکستر

ملک بھر میں دیوالی کا زبردست جوش و خروش ہے۔ اس ملک میں کئی مقامات سے آگ لگنے کی اطلاعات موصول ہوئی ہیں۔ اتر پردیش کے متھرا میں آگ لگنے کا واقعہ سامنے آیا ہے۔ معلومات کے مطابق آتشزدگی کا واقعہ پٹاخہ بازار میں پیش آیا۔ جس میں ڈیڑھ درجن کے قریب دکانیں جل کر راکھ ہو گئیں۔ اس واقعہ میں کئی لوگوں کے شدید جھلس جانے کی بھی خبر ہے۔ آگ لگنے کے بعد پورے علاقے میں خوف وہراس ہے۔ واقعے کی اطلاع ملتے ہی فائر بریگیڈ کی متعدد گاڑیاں موقع پر پہنچ گئیں اور آگ بجھانے میں مصروف ہیں۔ پورا معاملہ متھرا کے رایا تھانہ علاقہ کا ہے۔

یہاں غازی آباد سے بھی آگ لگنے کا واقعہ سامنے آیا ہے۔ نندگرام تھانے کے درگا مندر کے قریب ایک سکریپ اور لکڑی کے گودام میں زبردست آگ لگ گئی۔ واقعہ کی اطلاع ملتے ہی کئی دمکار گاڑیاں موقع پر پہنچ گئیں اور آگ پر قابو پانے کی کوششیں شروع کر دیں۔