Lok Sabha Election Dates Anounced: ‘دشمنی جم کر کرو لیکن…’، الیکشن کمشنر لوک سبھا انتخابات کی تاریخوں کا اعلان کرتے ہوئے بن گئے شاعر

الیکشن کمیشن نے ہفتہ کو لوک سبھا انتخابات سے متعلق تاریخوں کا اعلان کیا۔ 2019 کی طرح اس بار بھی 7 مرحلوں میں ووٹنگ ہوگی۔ ووٹنگ 19 اپریل سے یکم جون تک ہوگی، نتائج 4 جون کو آئیں گے۔ چیف الیکشن کمشنر راجیو کمار الیکشن کمیشن کی پریس کانفرنس سے خطاب کرتے ہوئے شاعرانہ موڈ میں نظر آئے۔

راجیو کمار نے سیاسی جماعتوں سے اپیل کی کہ وہ انتخابی مہم کے دوران ذاتی حملوں سے گریز کریں۔ انہوں نے کہا کہ تمام جماعتیں اور لیڈران اخلاق کو برقرار رکھیں۔ اس دوران انہوں نے اردو کے مشہور شاعر بشیر بدر کا ایک شعر بھی سنایا۔

دشمنی جم کر کرو لیکن یہ گنجائش رہے،جب کبھی ہم دوست ہوجائیں تو شرمندہ نہ ہوں ۔

لوک سبھا انتخابات 7 مرحلوں میں ہوں گے۔

لوک سبھا کی 543 سیٹوں کے لیے 7 مرحلوں میں ووٹنگ ہوگی اور انتخابی نتائج کا اعلان 4 جون کو کیا جائے گا۔ پہلے مرحلے کی ووٹنگ 19 اپریل کو ہوگی اور آخری مرحلے کی ووٹنگ یکم جون کو ہوگی۔ اس بار انتخابات میں کل 96.88 کروڑ ووٹر حصہ لیں گے۔ ان میں سے 1.85 کروڑ ووٹرز کی عمر 80 سال سے زیادہ ہے اور 2.38 لاکھ ووٹرز کی عمر 100 سال سے زیادہ ہے۔ 88.35 لاکھ معذور ووٹر بھی ہیں۔ ملک میں 543 نشستوں پر ووٹنگ کے لیے 10.48 لاکھ پولنگ اسٹیشن بنائے جائیں گے۔