Earthquake: ملک کے اس حصہ میں صبح سویرے لرزی زمین، یکے بعد دیگرے دو جھٹکوں سے لوگ خوفزدہ، جانئے کتنی تھی شدت

منی پور: منی پور میں آج بدھ (28 مئی 2025) کے روز زلزلے کے دو جھٹکے محسوس کیے گئے۔ ریکٹر سکیل پر زلزلے کی شدت 2.5 اور 5.2 ریکارڈ کی گئی۔ زلزلے کے جھٹکے محسوس کرتے ہی لوگ گھروں سے باہر نکل آئے۔

نیشنل سینٹر فار سیسمولوجی (این سی ایس) کے مطابق، منی پور کے چورا چند پور ضلع میں 28 مئی 2025 کو صبح 1 بجکر 54 منٹ پر (بھارتی وقت) 5.2 کی شدت کا زلزلہ آیا۔ اس زلزلے کا مرکز 24.46 شمالی عرض البلد اور 93.70 مشرقی طول بلد پر تھا، جس کی گہرائی 40 کلومیٹر تھی۔ اس کے کچھ ہی دیر بعد منی پور میں دوسری بار زلزلے کے جھٹکے محسوس کیے گئے۔

جانی و مالی نقصان کی کوئی خبر نہیں

نیشنل سینٹر فار سیسمولوجی (این سی ایس) کے مطابق، 2.5 شدت کا ہلکا زلزلہ منی پور کے نونی ضلع میں صبح 2:26 (بھارتی وقت کے مطابق) پر آیا۔ اس زلزلے کا مرکز نونی ضلع میں 24.53 شمالی عرض البلد اور 93.50 مشرقی طول بلد پر تھا، اس کی گہرائی 25 کلومیٹر تھی۔ حالانکہ، اس زلزلے سے جان و مال کے نقصان کی کوئی خبر نہیں ہے۔ لیکن، لگاتار دو زلزلوں کی وجہ سے منی پور میں لوگوں میں خوف و ہراس پھیل گیا اور وہ گھروں سے باہر نکل آئے۔

8 مئی کو بھی آیا تھا منی پور میں زلزلہ

اس سے قبل، 8 مئی 2025 کو رات 10:11 بجے (بھارتی وقت)، منی پور کے چندیل ضلع میں 3.6 شدت کا زلزلہ آیا تھا۔ نیشنل سینٹر فار سیسمولوجی کے مطابق، اس زلزلے کا مرکز 24.19 شمالی عرض بلد اور 93.96 مشرقی طول بلد پر تھا، جس کی گہرائی 10 کلومیٹر تھی۔ یہ زلزلہ ہلکی شدت کا تھا اور مقامی علاقوں میں بھی محسوس کیا گیا۔ حالانکہ، کسی بڑے نقصان یا جانی نقصان کی کوئی خبر نہیں ملی۔ 4 اکتوبر کو بھی منی پور-ناگالینڈ سرحدی علاقے میں زلزلے کے جھٹکے محسوس کیے گئے۔ حکام کا کہنا تھا کہ زلزلے کی شدت ریکٹر اسکیل پر 3.6 تھی۔

 میانمار کے ساتھ ملتی منی پور کی سرحد

بتا دیں کہ منی پور کی سرحد میانمار کے ساتھ ملتی ہے۔ حال ہی میں میانمار میں تباہ کن زلزلہ آیا تھا جس کی وجہ سے کئی افراد اپنی جانوں سے ہاتھ دھو بیٹھے تھے۔

بھارت ایکسپریس۔