Karnataka Election 2023: کرناٹک میں انتخابات سے پہلے شراب اور تحائف سے ووٹروں کو راغب کرنے کی کوشش،کیش،شراب اور سونا!

Karnataka Election 2023: جب سے کرناٹک میں اسمبلی انتخابات کی تاریخ   کا اعلان ہوا ہے،کرناٹک میں اسمبلی انتخابات کو لے کر سبھی پارٹیوں نے  اپنے طور سے تیاریاں شروع کردی ہیں ، الیکشن کی تاریخ کے اعلان کے بعد سے سیاسی پارٹیاں اپنے اپنے طور پر ووٹرس کو لبھانے کی کوشش کررہی ہیں ، ووٹروں کو اپنی طرف متوجہ کرنے کا مرحلہ شروع ہو گیا ہے۔ انتخابی جلسوں کے علاوہ ووٹرز کو لبھانے کے لیے ہر طریقہ استعمال کیا جا رہا ہے۔ اب تک ریاست کے کئی مقامات سے نقدی، شراب اور دیگر چیزیں جو مفت تقسیم کے لیے لی جا رہی تھیں، پولیس نے پکڑی ہے۔ بھدراوتی، نیپانی، گدگ اور نرگنڈ علاقوں سے موصولہ اطلاع کے مطابق، 6 اپریل جمعرات کو کروڑوں روپے ضبط کیے گئے۔ بتایا جا رہا ہے کہ ضبط کی گئی رقم تقریباً 4.45 کروڑ روپے ہے۔

69 کروڑ کا سامان ضبط، 526 ایف آئی آر درج

ایک پریس ریلیز جاری کرتے ہوئے کرناٹک کے چیف الیکٹورل آفیسر نے کہا کہ اب تک کافی  تعداد میں نقدی اور دیگر کئی اشیاء ضبط کی گئی ہیں۔ ان ضبط  سامان میں 22.75 کروڑ روپے نقد، 24.45 کروڑ روپے کی شراب اور 12 کروڑ روپے کا دیگر سامان مفت تقسیم کے لیے لیا جا رہا ہے۔ منشیات سے لے کر شراب اور نقدی تک کی کل قیمت 69 کروڑ 36 لاکھ 17 ہزار 467 روپے بتائی جا رہی ہے۔ ساتھ ہی ان سامان کی وصولی کے سلسلے میں کل 526 ایف آئی آر درج کی گئی ہیں۔

الیکشن کمیشن نے ایک نوٹ میں کہا کہ سٹیٹک سرویلنس ٹیم نے دھارواڑ حلقہ سے تقریباً 45 لاکھ روپے مالیت کا 725 گرام سونا ضبط کیا،  قابل ذکر بات یہ ہے کہ فلائنگ اسکواڈ ٹیم نے بنگلورو شہر کے ایک حلقے سے 34 لاکھ روپے سے زیادہ کی مفت اشیاء ضبط کیں۔ دوسری طرف 6 اپریل کو بیلگاوی کے خانپور تعلقہ علاقے سے 4.61 کروڑ روپے نقد اور 395 گرام سونا (21.25 کروڑ) برآمد ہوا ہے۔