Saket Court Firing: دہلی کے ساکیت کورٹ میں گولیاں چلیں، ایک خاتون زخمی، موقع پر موجود پولس فورس

Saket Court Firing:جمعہ کو قومی راجدھانی دہلی کے ساکیت کورٹ احاطے میں 4 راؤنڈ فائرنگ ہوئی، جس میں نیو فرینڈس کالونی کی ایک خاتون زخمی ہوگئی۔ فائرنگ کی آواز سن کر دہلی پولیس کے اہلکار موقع پر پہنچ گئے۔ پولیس ذرائع نے بتایا کہ خاتون آج اپنا بیان دینے عدالت پہنچی تھی۔ وہ ایک کیس میں گواہ ہے۔ اس دوران اسے گولی مار دی گئی۔ فی الحال انہیں علاج کے لیے اسپتال میں داخل کرایا گیا ہے۔

دہلی کے ساکیت کورٹ کے احاطے میں جمعہ کو عدالت کھلتے ہی فائرنگ کے واقعے کے بعد افراتفری مچ گئی۔ فائرنگ شروع ہوتے ہی لوگ خوفزدہ ہو گئے اور جان بچانے کے لیے ادھر ادھر بھاگنے لگے۔ اس دوران دہلی پولیس بھی موقع پر پہنچ گئی۔ مقامی پولیس ذرائع کا کہنا ہے کہ ایک خاتون آج عدالت میں اپنا بیان دینے پہنچی تھی کہ یہ واقعہ پیش آیا۔ خاتون نیو فرینڈز کالونی کے ایک کیس کی گواہ ہے۔ خاتون جمعہ کو اپنا بیان دینے عدالت پہنچی تھی۔