Brahman Mahakumbh Prayagraj: یوپی کے پریاگ راج میں برہمن مہاکمبھ کا انعقاد، بڑی تعداد میں سیاسی ،سماجی و مذہبی رہنماوں کی شرکت

اتر پردیش کے پریاگ راج شہر میں راشٹریہ پرشورام سینا کی جانب سے برہمن مہاکمبھ کا انعقاد کیا گیا۔ اس موقع پر کئی ہندو تنظیموں کے رہنما اور عہدیدار آج دارا گنج-پریڈ گراؤنڈ پہنچے۔ یوپی کے سابق نائب وزیر اعلیٰ اور بی جے پی کے رکن پارلیمنٹ ڈاکٹر دنیش شرما، ایم پی ریتا بہوگنا جوشی اور ریاستی وزیر جگدیش مشرا بالٹی بابا، ایم پی اور سابق وزیر ڈاکٹر اشوک باجپئی نے خطاب کیا۔

آج کے اس پروگرام میں دنیش دوبے، ریاستی وزیر، حکومت ہند، میٹروپولیٹن صدر پریاگ راج راجندر مشرا، میئر پریاگ راج گنیش کیسروانی، سابق ریاستی کوآرڈینیٹر ڈاکٹر ایل۔ ایس۔ اوجھا، راشٹریہ پرشورام سینا برہما واہنی کے قومی صدر پنڈت ومل تیواری، شپرا شکلا، قومی سکریٹری پنڈت آشوتوش ترپاٹھی، ضلع صدر سواریکا بھردواج، ضلعی ترجمان سنیتا مشرا، ریاستی سکریٹری الکا پانڈے، ہریانہ کے ریاستی صدر جنگشیر شرما، دہلی کے ریاستی صدر شیام بابو، ایم پی اے ایم نرسمہا مندر کے چیف مہنت صدرشنچاریہ، قومی جنرل سکریٹری راہل شرما، باجی راؤ پیشوا کی اولاد پربھاکر راؤ پیشوا وغیرہ موجود تھے۔

منتظمین کے مطابق اس موقع پر ریاستی ورکنگ کمیٹی کے رکن مرتیونجے تیواری، سابق جنرل سکریٹری راجیندر پانڈے، ضلع نائب صدر سنتوش ترپاٹھی، نوین شکلا، انٹرنیشنل ہندو فیڈریشن انڈیا کے قومی صدر سنیل شکلا، بی جے پی کے سینئر لیڈر سریش مشرا، چیتن شکلا وغیرہ بھی موجود تھے۔

بھارت ایکسپریس۔