Rajasthan News: راجستھان کے اسکولوں میں اب نہیں پڑھایا جائے گا اکبر دی گریٹ ، وزیر تعلیم مدن دلاور کا اعلان

راجستھان کے وزیر تعلیم مدن دلاور نے اتوار کو اعلان کیا کہ مغل بادشاہ اکبر کو اب اسکولوں میں ایک عظیم شخصیت کے طور پر نہیں پڑھایا جائے گا۔ انہوں نے اکبر پر تنقید کرتے ہوئے کہا کہ انہہوں نے برسوں تک ملک کو لوٹا اور یہ بھی کہا کہ مستقبل میں کسی کو مغل بادشاہ کی ‘عظیم شخصیت’ کے طور پر تعریف کرنے کی اجازت نہیں دی جائے گی۔ وزیر نے یہ باتیں سکھادیہ یونیورسٹی، ادے پور کے وویکانند آڈیٹوریم میں 28ویں ریاستی سطح کی “بھماشاہ سمان تقریب” کے دوران کہیں۔

وزیر تعلیم نے اس بات پر غم کا اظہار کیا کہ مہارانا پرتاپ جنہوں نے میواڑ کی عزت اور وقار کے لیے اپنا سب کچھ قربان کردیا، کو کبھی بھی عظمت کا درجہ نہیں دیا گیا۔ انہوں نے کہا کہ تعلیم سب سے بڑی ذمہ داری ہے اور اس مقصد کے لیے بھما شاہ کی طرف سے دی گئی ایک ایک پائی کا صحیح استعمال کیا جائے گا۔

اس سال جنوری میں مدن دلاور نے مغل شہنشاہ اکبر کو “ریپسٹ” کہا اور اسکول کی نصابی کتابوں سے ان کے “اکبر دی گریٹ” کے تعلق سے حوالہ ہٹانے کا مطالبہ کیا۔ ان کے تبصرے حکومت میں تبدیلی کے بعد اسکولوں کی نصابی کتابوں میں اہم ترامیم کے بارے میں بات چیت کے جواب میں دیے گئے۔

انہوں نے 30 جنوری کو ایک پریس کانفرنس میں کہا، “ہمیں نصاب میں کوئی تبدیلی کرنے کی ضرورت نہیں ہے، لیکن جو بھی حصے غیر اخلاقی بیانات پر مشتمل ہوں گے یا عظیم انسانوں کی توہین کریں گے، انہیں ہٹا دیا جائے گا۔ ہمارے آباؤ اجداد جیسے ویر ساورکر اور شیواجی کے متعئق بہت زیادہ گمراہ کن باتیں لکھی ہیں۔ ان بیانات کے بارے میں معلومات دی گئی ہیں، ان بیانات کو درست کیا جائے گا۔

‘مہارانہ پرتاپ کے کردار کو اکبر نے دبایا’

مدن دلاور نے مزید کہا، “کئی نصابی کتابوں میں بتایا گیا ہے کہ ساورکر محب وطن نہیں تھے۔ جب کہ اکبر کو عظیم انسان سمجھا جاتا ہے، شیواجی کو ‘پہاڑی چوہا’ کہا جاتا ہے، اور مہارانا پرتاپ کا کردار اکبر کے کردار پر چھایا ہوا ہے۔” ایسے بیانات قابل قبول نہیں ہیں اور ان کا جائزہ لیا جائے گا۔

دریں اثنا، وزیر تعلیم نے اتوار کو راجستھان کی بھما شاہ روایت کی تعریف کی۔ انہوں نے بتایا کہ راجستھان قربانی، تپسیا، اور بہادری کی سرزمین ہے، انہوں نے بتایا کہ جب مہارانا پرتاپ کو جنگلوں میں رہنا پڑا تو بھما شاہ نے اپنی ساری جائیداد عطیہ کر دی تھی۔ انہوں نے راجستھان کو عظیم آدمیوں اور بہادری کے کاموں کی سرزمین کے طور پر بیان کرتے ہوئے اختتام کیا، اور مہارانا پرتاپ، بھما شاہ، اور قبائلی رہنما گووند گرو کی متاثر کن میراث پر زور دیا۔

بھارت ایکسپریس۔