72فیصد دیہی گھرانے آئندہ سال آمدنی میں اضافے کی امید کی ظاہر

ستمبر 2025 کے سروے کے مطابق، 72.8 فیصد دیہی گھرانوں نے آئندہ ایک سال میں اپنی آمدنی میں اضافے کی امید ظاہر کی ہے۔ یہ جولائی 2025 میں ریکارڈ کیے گئے 74.7 فیصد کے مقابلے میں معمولی کمی ہے، لیکن ستمبر 2024 کے مقابلے میں (جب یہ شرح 70.2 فیصد تھی)، رجحان اب بھی مثبت ہے۔یہ معلومات نیشنل بینک فار ایگریکلچر اینڈ رورل ڈیولپمنٹ (نابارڈ) کے ستمبر 2025 کے دوماہی سروے “دیہی معیشت کی حالت اور رجحانات” میں سامنے آئیں۔

آمدنی، کھپت، اور معیشت کا حال

76.2 فیصد دیہی گھرانوں نے گزشتہ ایک سال میں کھپت میں اضافہ رپورٹ کیا، جو کہ جولائی 2025 میں 76.6 فیصد تھا—یعنی تھوڑی سی کمی۔آمدنی میں کمی رپورٹ کرنے والے گھرانوں کا تناسب 18 فیصد تک گر گیا ہے، جو کہ سروے کے آغاز (ستمبر 2024) سے اب تک سب سے کم سطح ہے (گزشتہ سال یہ شرح 23.8 فیصدتھی)۔آمدنی میں جمود (نہ اضافہ، نہ کمی) رپورٹ کرنے والوں کی شرح 44.5 فیصد رہی، جو کہ گزشتہ سات سروے راؤنڈز میں سب سے زیادہ ہے۔

37.5 فیصد گھرانوں نے گزشتہ سالحقیقی آمدنی میں اضافہ رپورٹ کیا، جو کہ ایک سال پہلے 37.6 فیصد تھی—یعنی تقریباً مستحکم سطح پر۔

بیرونی اثرات

نابارڈ سروے میں یہ بھی کہا گیا کہ:یہ ممکن ہے کہ ٹرمپ کی جانب سے ممکنہ ٹیرف پالیسیوں کے باعث زرعی اور غیر زرعی برآمدات پر منفی اثر پڑا ہو، جس کی وجہ سے دیہی آمدنی اور روزگار پر دباؤ آیا اور گھرانوں کے رجحانات پر اثر پڑا۔

انفراسٹرکچر اور حکومتی معاونت: 76.2 فیصد دیہی گھرانے گزشتہ سال کے دوران دیہی انفراسٹرکچر میں بہتری کی اطلاع دیتے ہیں، جو کہ ایک حوصلہ افزا اشارہ ہے۔

دیگر اہم نکات

سروے نے دیہی معیشت کا جائزہ لینے کے لیے پانچ اہم عوامل پر توجہ دی:

کھپت (Consumption)،آمدنی (Income)،بچت (Savings)،سرمایہ کاری (Investment) ، قرض لینا (Borrowings)

دیہی آمدنی اور کھپت میں اضافے کی ایک بڑی وجہ مرکزی اور ریاستی حکومتوں کی فلاحی اسکیمیں ہیں، جو نقد اور اشیاء دونوں صورتوں میں فراہم کی جاتی ہیں، مثلاً:مفت یا سبسڈی والی خوراک، پانی، بجلی، ایل پی جی گیس،کھاد، سود پر سبسڈی،اسکول یونیفارم، کتابیں، کمپیوٹر،عوامی ٹرانسپورٹ، دوپہر کا کھانا (mid-day meals)

وظائف: طلبہ، بزرگ، بیوائیں، معذور، ہنر مند کاریگر

اگرچہ کچھ اشاریے جمود یا معمولی کمی کی طرف اشارہ کر رہے ہیں، مجموعی طور پر دیہی معیشت میں امید کی کرن موجود ہے، خاص طور پر انفراسٹرکچر کی بہتری اور حکومتی معاونت کی بدولت۔ تاہم، بیرونی تجارتی خطرات اور برآمدی چیلنجز دیہی آمدنی پر اثر ڈال سکتے ہیں۔

بھارت ایکسپریس اردو