Padma Awards 2024: وینکیا نائیڈو، متھن چکرورتی، اوشا اتھپ سمیت 132 لوگوں کو پدم ایوارڈ سے نوازا گیا

پیر 22 اپریل کو راشٹرپتی بھون میں منعقدہ ایک تقریب میں 132 لوگوں کو پدم ایوارڈ سے نوازا گیا۔ اس بار صدر دروپدی مرمو نے 5 لوگوں کو پدم وبھوشن، 17 کو پدم بھوشن اور 110 کو پدم شری سے نوازا ہے۔ اس تقریب میں وزیر اعظم نریندر مودی، وزیر داخلہ امت شاہ، نائب صدر جگدیپ دھنکھر، وزیر خارجہ ایس جے شنکر اور دیگر موجود تھے۔ آپ کو بتاتے چلیں کہ یہ اعزاز دینے کا اعلان 25 جنوری 2024 کو کیا گیا تھا۔

پدم وبھوشن کو غیر معمولی اور ممتاز خدمات کے لیے، پدم بھوشن کو اعلیٰ سطح کی ممتاز خدمات کے لیے اور پدم شری کسی بھی شعبے میں ممتاز خدمات کے لیے دیا جاتا ہے۔ یہ ایوارڈ مختلف شعبوں میں نمایاں خدمات کے لیے دیے جاتے ہیں – فنون، سماجی کام، عوامی امور، سائنس اور انجینئرنگ، صنعت، طب، ادب، تعلیم، کھیل اور سول سروسز وغیرہ۔

پدم وبھوشن ایوارڈ یافتہ

تقریب میں سب سے پہلے سابق نائب صدر وینکیا نائیڈو کو یہ ایوارڈ دیا گیا، جس کے بعد بندیشور پاٹھک کو بعد از مرگ اس ایوارڈ سے نوازا گیا۔ بندیشور پاٹھک کی اہلیہ امولا پاٹھک نے یہ ایوارڈ وصول کیا۔ اس کے علاوہ جنوبی اداکار چرنجیوی سمیت 5 لوگوں کو پدم وبھوشن سے نوازا گیا۔

پدم شری ایوارڈ یافتہ

پدم وبھوشن سے نوازے جانے والوں کے بعد اداکار متھن چکرورتی، گلوکار اوشا اتھپ اور سیتارام جندال سمیت 17 لوگوں کو پدم بھوشن دیا گیا۔ اس کے علاوہ منوہر کرشنا ڈولے اور رام چیت چودھری سمیت 110 لوگوں کو پدم شری سے نوازا گیا۔

ایوارڈ حاصل کرنے والوں میں 30 خواتین ہیں اور اس کے علاوہ اس فہرست میں غیر ملکی این آر آئی، پی آئی او، او سی آئی کیٹیگری کے آٹھ اور بعد از مرگ ایوارڈ یافتہ نو افراد بھی شامل ہیں۔

پدم بھوشن ملنے پر متھن چکرورتی کا ردعمل

پدم بھوشن ملنے پر اداکار متھن چکرورتی نے کہا، ‘میں بہت خوش ہوں۔ میں نے اپنی زندگی میں کبھی کسی سے اپنے لیے کچھ نہیں مانگا۔ جب مجھے فون آیا کہ آپ کو پدم بھوشن دیا جا رہا ہے تو میں ایک منٹ کے لیے خاموش رہا کیونکہ مجھے اس کی توقع نہیں تھی۔