Delhi LG refutes Kejriwal’s claims on Shakur Basti slum: شکور بستی میں کیجریوال نے ایسا کیا  کہا؟ جس پر ایل جی وی کے سکسینہ ہوئے ناراض، سابق وزیر اعلیٰ کو دی یہ نصیحت

اروند کیجریوال کے بیان پر ردعمل ظاہر کرتے ہوئے لیفٹیننٹ گورنر وی کے سکسینہ نے کہا کہ ’’شکور بستی کی کچی آبادیوں کے بارے میں وزیر اعلیٰ کا بیان مکمل طور پر غلط اور جھوٹ  ہے‘‘۔ دہلی کے لیفٹیننٹ گورنر وی کے سکسینہ نے اتوار کو شکور بستی کچی آبادیوں پر عام آدمی پارٹی کے قومی کنوینر اور دہلی کے سابق وزیر اعلی اروند کیجریوال کے بیان کو غلط اور جھوٹ قرار دیا۔ انہوں نے یہ انتباہ بھی دیا کہ اگر کیجریوال جھوٹ بولنا بند نہیں کریں گے  تو ان کے خلاف کارروائی کی جائے گی۔

کیجریوال جھوٹ بول رہے ہیں

اروند کیجریوال کے بیان پر ردعمل ظاہر کرتے ہوئے لیفٹیننٹ گورنر وی کے سکسینہ نے کہا کہ ’’شکور بستی کی کچی آبادیوں کے بارے میں وزیر اعلیٰ کا بیان مکمل طور پر غلط اور جھوٹ پر مبنی ہے‘‘۔ وی کے سکسینہ نے گزشتہ سال 27 دسمبر کو ڈی ڈی اے کی میٹنگ کا حوالہ دیتے ہوئے کہا کہ کیجریوال نے الزام لگایا تھا کہ ایل جی نے شکور بستی کی زمین کے استعمال میں تبدیلی کی ہے، جب کہ ڈی ڈی اے نے نہ تو اس کالونی کے لینڈ یوز بدلا ہے اور نہ ہی  کسی بے دخلی یا انہدام کا کوئی نوٹس جاری کیا  ہے۔

’’جھوٹ بولنا بند کرو ورنہ کارروائی کی جائے گی‘‘

لیفٹیننٹ گورنر نے کہا کہ کیجریوال جان بوجھ کر جھوٹ بول کرعوام کو گمراہ کر رہے ہیں۔ اگر انہوں 27 دسمبر کی ڈی ڈی اے میٹنگ میں موجود ان کے دو ایم ایل اے سے بات کی ہوتی ، تو شایدانہیں اس بارے میں صحیح معلومات مل جاتیں۔ میرا مشورہ ہے کہ وہ فوری طور پر اس معاملے پر جھوٹ بولنا چھوڑ دیں، ورنہ ڈی ڈی اے ان کے خلاف کارروائی کرے گا۔

انہوں نے مزید کہا کہ اگر کیجریوال کچی آبادی میں جاتے اور وہاں 2-3 کلومیٹر پیدل چلتے تو انہیں وہاں کے لوگوں کی قابل رحم حالت کا اندازہ ہوتا۔ صفائی، پانی کی فراہمی، صحت کی خدمات اور MCD سبھی کیجریوال کے کنٹرول میں ہیں۔

سکسینہ نے وزیر اعظم مودی کی ‘جہاں جھگی وہاں مکان’ اسکیم کا بھی حوالہ دیا اور کہا کہ ڈی ڈی اے نے ہزاروں کچی آبادیوں کو ماڈل فلیٹس فراہم کیے ہیں، جہاں وہ باعزت زندگی گزار رہے ہیں۔

ووٹنگ 5 فروری کو ہوگی

آپ کو بتا دیں کہ الیکشن کمیشن نے دہلی کی 70 اسمبلی سیٹوں کے لیے ہونے والے انتخابات کی تاریخوں کا اعلان کر دیا ہے۔ دہلی میں اسمبلی انتخابات ایک ہی مرحلے میں ہوں گے۔ یہاں تمام سیٹوں کے لیے ووٹنگ 5 فروری کو ایک ہی مرحلے میں تجویز کی گئی ہے۔ اس کے نتائج کا اعلان 8 فروری کیا جائے گا۔

بھارت ایکسپریس