سیاست

PM Modi To Visit Tamil Nadu Today: پی ایم مودی کا تمل ناڈو کا دو روزہ دورہ، 4800 کروڑ روپے کے منصوبوں کا افتتاح اور سنگِ بنیاد

برطانیہ اور مالدیپ کے اپنے دورے سے واپسی کے فوراً بعد وزیر اعظم نریندر مودی 26 جولائی کو رات تقریباً 8 بجے تمل ناڈو کے توتیکورین میں ایک عوامی پروگرام کے دوران 4800 کروڑ روپے سے زائد لاگت کے مختلف ترقیاتی منصوبوں کا سنگ بنیاد رکھیں گے، افتتاح کریں گے اور قوم کے نام وقف کریں گے۔

تمل ناڈو کا دورہ اور ترقیاتی منصوبے
وزیر اعظم نریندر مودی ہفتہ کو تمل ناڈو کا دورہ کریں گے۔ اس دوران وہ ریاست میں 4800 کروڑ روپے سے زائد لاگت کے مختلف ترقیاتی منصوبوں کا افتتاح اور سنگ بنیاد رکھیں گے۔ وزیر اعظم مودی کی یہ تمل ناڈو کی دو روزہ یاترا ہے۔ برطانیہ اور مالدیپ کے کامیاب دورے کے بعد وہ سیدھے تمل ناڈو پہنچیں گے۔

دو قومی شاہراہ منصوبوں کا افتتاح
وزیر اعظم مودی دو اسٹریٹجک اہمیت کی حامل قومی شاہراہ منصوبوں کا افتتاح کریں گے۔ ان میں این ایچ-138 کے تحت توتی کورن پورٹ روڈ اور وِکروَندی-تنجاور کاریڈور پر این ایچ-36 کے کچھ حصوں کی چوڑائی میں اضافہ شامل ہے۔ ان دونوں منصوبوں پر 2500 کروڑ روپے سے زائد کی لاگت آئے گی۔

نارتھ کارگو برتھ کا افتتاح
وزیر اعظم وی او چدمبرنار بندرگاہ پر تقریباً 285 کروڑ روپے کی لاگت سے بننے والے تیسرے نارتھ کارگو برتھ کا بھی افتتاح کریں گے، جس کی کارگو ہینڈلنگ صلاحیت 6.96 ایم ایم ٹی پی اے ہوگی۔

تین بڑے ریلوے بنیادی ڈھانچے کے منصوبے
وزیر اعظم مودی تین اہم ریلوے بنیادی ڈھانچے کے منصوبوں کا افتتاح کریں گے۔ ان میں ترواننتاپورم-کنیاکماری منصوبے کے تحت ناگرکویل ٹاؤن سے کنیاکماری تک 21 کلومیٹر طویل ریلوے لائن کی ڈبلنگ شامل ہے۔
اس کے علاوہ، چنئی-کنیاکماری روٹ پر ارالویاموزھی-ناگرکویل جنکشن (12.87 کلومیٹر) اور ترو نیلویلی-میلاپالایم (3.6 کلومیٹر) حصوں کا بھی ڈبلنگ کام مکمل ہوا ہے۔
مزید یہ کہ، 90 کلومیٹر طویل مدورائی-بوڈینائکنور ریلوے لائن کے برقی کاری منصوبے کا بھی افتتاح کیا جائے گا۔

بین الریاستی بجلی ترسیل منصوبہ (ISTS)
وزیر اعظم نریندر مودی ایک اہم بجلی ترسیلی منصوبے کے تحت بین الریاستی ترسیلی نظام (ISTS) کی بنیاد رکھیں گے۔ تقریباً 550 کروڑ روپے کی لاگت سے تیار ہونے والے اس منصوبے میں کُڈنکُلم سے توتی کورن-2 جی آئی ایس سب اسٹیشن تک اور متعلقہ ٹرمینل آلات کے ساتھ 400 کے وی (کواڈ) ڈبل سرکٹ ٹرانسمیشن لائن بچھائی جائے گی۔

تروچیراپلی کا دورہ اور ثقافتی پروگرام میں شرکت
27 جولائی کو وزیر اعظم مودی تمل ناڈو کے تروچیراپلی جائیں گے، جہاں وہ دوپہر تقریباً 12 بجے گنگئی کونڈا چولاپورم مندر میں “آدی ترووتھری مہوتسو” کے تحت عظیم چولا راجہ  راجندر چولا اول کی جینتی (سالگرہ) کے موقع پر منعقدہ تقریب میں شرکت کریں گے۔
اس موقع پر، وزیر اعظم مودی راجندر چولا اول کے اعزاز میں ایک یادگاری سکہ بھی جاری کریں گے۔

بھارت ایکسپریس اردو

Abu Danish Rehman

Recent Posts

Virender Sehwag: ٹام لیتھم دونوں اننگز میں صفر پر آؤٹ ہوکر رقم کردی تاریخ، وریندر سہواگ کا توڑ دیا ریکارڈ

ہندوستان کے سابق جارحانہ اوپننگ بلے باز وریندر سہواگ اپنے ٹیسٹ کیریئر میں مجموعی طور…

20 minutes ago

Ghaziabad Massive Fire: غازی آباد کے پلاسٹک گودام میں بھیانک آتشزدگی، آگ بجھانے میں لگے 8 گھنٹے

فائر بریگیڈ کے مطابق آگ لگنے کی اطلاع رات 12 بج کر 33 منٹ پر…

1 hour ago

Gautam Adani, Chairman of the Adani Group: ماتا امرتا آنندمئی سے ملاقات انتہائی جذباتی اور متاثر کن تجربہ تھا: گوتم اڈانی

نائب صدر جمہوریہ سی پی رادھا کرشنن نے کیرالہ کے کولم ضلع میں واقع امرت…

2 hours ago