PM Modi Gujarat Visit: پی ایم مودی کا آج سے دو روزہ گجرات کا دورہ، 5 ہزار کروڑ سے زائد منصوبوں کا کریں گے افتتاح و سنگ بنیاد

پی ایم نریندر مودی پیر کو گجرات کے دو روزہ دورے پر جائیں گے، اس دوران وہ 5400 کروڑ روپے سے زائد لاگت کے مختلف بنیادی ڈھانچے اور ترقیاتی منصوبوں کا افتتاح اور سنگ بنیاد رکھیں گے۔یہ اقدامات شہری ترقی، توانائی، ٹرانسپورٹ اور سبز نقل و حرکت جیسے اہم شعبوں پر محیط ہیں، جو ‘آتم نربھر بھارت’ (خود کفیل بھارت) اور ‘میک اِن انڈیا’ کے وژن کو آگے بڑھاتے ہیں۔دورے کی شروعات 25 اگست کی شام 4:30 بجے احمد آباد پہنچنے سے ہوگی۔ یہاں وہ نروڈا سے نکل تک تقریباً تین کلومیٹر طویل روڈ شو میں حصہ لیں گے۔ اس موقع پر ان کے استقبال کے لیے شاندار تیاریاں کی گئی ہیں۔سڑک کے دونوں طرف 12 اسٹیج بنائے گئے ہیں، جہاں ہزاروں افراد ثقافتی پروگرام پیش کریں گے۔ اس کے لیے پورے نکل علاقے کو روشنیوں سے خاص طور پر سجایا گیا ہے۔

پی ایم مودی عوامی جلسے سے خطاب کریں گے

پی ایم مودی پیر کو احمد آباد کے کھودلدھام میدان میں ایک عوامی جلسے سے خطاب کریں گے۔ اس سے قبل وہ گجرات میں بنیادی ڈھانچے اور خدمات کی فراہمی کو جدید بنانے والے کئی ترقیاتی منصوبے قوم کے نام وقف کریں گے۔

ہنسل پور بھی جائیں گےپی ایم مودی

26 اگست کو گجرات کے دورے کے بعد پی ایم مودی ہنسل پور جائیں گے، جہاں وہ بھارت میں الیکٹرک گاڑیوں کے شعبے میں ایک اہم سنگ میل کا افتتاح کریں گے۔پی ایم مودی ، سوزوکی کی پہلی عالمی بیٹری الیکٹرک گاڑی (BEV) “ای وٹارا” کو ہری جھنڈی دکھائیں گے، جو یورپ، جاپان سمیت 100 سے زائد ممالک کو برآمد کی جائے گی۔

کے دفتر نے کہا: “میک اِن انڈیا کی کامیابی کی ایک بڑی مثال کے طور پرپی یم او ای وٹارا کا افتتاح کریں گے اور اسے برآمد کے لیے روانہ کریں گے۔”

بیٹری کی مقامی تیاری کا آغاز

پی ایم نریندر مودی، سبز توانائی کو فروغ دینے کے لیے، توشیبا، ڈینسو اور سوزوکی کے اشتراک سے بننے والے TDS لیتھیئم آئن بیٹری پلانٹ میں ہائبرڈ بیٹری الیکٹروڈ کی مقامی پیداوار کا افتتاح کریں گے۔ اس کے تحت بیٹری کے 80 فیصد سے زائد پرزے بھارت میں ہی تیار کیے جائیں گے، جو بھارت کی بیٹری انڈسٹری کے لیے ایک اہم پیش رفت ہے۔

ریلوے کے منصوبے بھی شامل

اس کے علاوہ، وہ 1400 کروڑ روپے سے زائد مالیت کے ریلوے منصوبوں کا افتتاح کریں گے، جن میں مہسانہ-پالنپور ریلوے لائن کی دوہری کاری، گیج تبدیلی، اور مسافر و مال گاڑیوں کی شروعات شامل ہے۔ یہ منصوبے رسد، رابطے اور صنعتی رسائی کو بہتر بنائیں گے۔

اہم سڑک منصوبوں کا افتتاح

پی ایم مودی متعدد اہم سڑک منصوبوں کا افتتاح کریں گے، جیسے ویرمگام-خداد-رامپورہ سڑک کی توسیع، نئے گاڑیوں کے انڈر پاس اور ریلوے اوور برج، جو ٹریفک کے دباؤ کو کم کریں گے اور صنعتی پیداوار میں اضافہ کریں گے۔

بجلی کے ڈھانچے کو مضبوط کرنے کے اقدامات

بجلی کی تقسیم کو بہتر بنانے کے لیے، وہ احمد آباد، مہسانہ اور گاندھی نگر میں 1000 کروڑ روپے سے زائد کے منصوبوں کا افتتاح کریں گے، جو بجلی کے نظام کو مضبوط کریں گے اور لوڈ شیڈنگ کو کم کریں گے۔

شہری ترقی اور ڈیجیٹل گورننس

شہری ترقی کے تحت، وہ پی ایم اے وائی (شہری) کے تحت جھگی بستیوں کی بازآبادکاری، سردار پٹیل رنگ روڈ کی توسیع، اور جدید سیوریج و آبی نظام کی بنیاد رکھیں گے۔ اس کے علاوہ، انتظامی اصلاحات کے تحت احمد آباد میں نیا اسٹامپ اور رجسٹریشن دفتر اور گاندھی نگر میں ڈیٹا اسٹوریج مرکز قائم کیا جائے گا، جو ڈیجیٹل حکمرانی اور ڈیٹا سیکیورٹی کو فروغ دے گا۔

پی ایم  دفتر کے مطابق  سبز توانائی میں خود کفالت کی طرف ایک اور قدم کے طور پر، گجرات میں TDS لیتھیئم آئن بیٹری پلانٹ میں ہائبرڈ بیٹری الیکٹروڈ کی مقامی پیداوار شروع کی جائے گی۔ یہ پلانٹ توشیبا، ڈینسو اور سوزوکی کا مشترکہ منصوبہ ہے، جو ملک میں بیٹری کی 80 فیصد سے زائد مالیت کی مقامی تیاری کرے گا اور صاف توانائی کی جدت کو فروغ دے گا۔

بھارت ایکسپریس اردو