PM Modi extends birthday greetings to Maha CM Fadnavis: مہاراشٹر کے سی ایم دیویندر فرنویس کی سالگرہ پرپی ایم مودی اور امت شاہ نے دی مبارکباد

مہاراشٹر کے وزیر اعلیٰ دیویندر فرنویس کو ان کی سالگرہ کے موقع پر ملک کے اعلیٰ رہنماؤں اور ساتھیوں کی جانب سے دلی مبارکباد دی گئی۔ وزیر اعظم نریندر مودی، مرکزی وزیر داخلہ امت شاہ، مرکزی سڑک و ٹرانسپورٹ کے وزیر نتن گڈکری اور نائب وزیر اعلیٰ ایکناتھ شنڈے سمیت کئی اہم لیڈروں نے دیویندر فرنویس کی خدمات کو سراہا اور ان کی طویل عمر اور صحت مند زندگی کی دعا کی۔

وزیر اعظم مودی کی جانب سے دیویندر فرنویس کو مبارکباد

وزیر اعظم نریندر مودی نے کہا:”مہاراشٹر کے وزیر اعلیٰ دیویندر فرنویس کو سالگرہ کی دلی مبارکباد۔ وہ مہاراشٹر کی ترقی اور غریبوں و محروم طبقے کو بااختیار بنانے کے لیے انتھک کوشش کر رہے ہیں۔ بھگوان  انہیں طویل اور صحت مند زندگی عطا فرمائے۔”

امت شاہ کی جانب سے سالگرہ کی مبارکباد

مرکزی وزیر داخلہ امت شاہ نے فرنویس کی خدمات کو سراہتے ہوئے کہا:”مودی جی کی قیادت میں آپ مہاراشٹر میں عوامی فلاح و بہبود اور ثقافتی ورثے کے احیاء کے لیے قابلِ تحسین کام کر رہے ہیں۔ آپ شفاف طریقے سے غریبوں اور محروموں تک بنیادی سہولیات پہنچا رہے ہیں۔ گنپتی بپّا آپ کو طویل عمر اور صحت مند زندگی عطا فرمائیں۔”

نتن گڈکری کا پیغام

مرکزی وزیر نتن گڈکری نے اپنے پیغام میں کہا:”مہاراشٹر کے کامیاب وزیر اعلیٰ دیویندر فرنویس کو سالگرہ کی دلی مبارکباد۔ میں بھگوان سے ان کی صحت مند اور طویل عمر کی دعا کرتا ہوں۔”

یہ بھی پڑھیں: دہلی-این سی آر میں زلزلے کے جھٹکے، فرید آباد تھا زلزلے کا مرکز، جانئے کتنی تھی شدت

یہ بھی پڑھیں:چندن مشرا قتل معاملہ، پولیس مڈبھیڑ میں ایک حملہ آور گرفتار، دو زخمی اسپتال میں زیر علاج

ایکناتھ شنڈے کی جانب سے خراجِ تحسین

مہاراشٹر کے نائب وزیر اعلیٰ ایکناتھ شنڈے نے دیویندر فرنویس کو “مہاراشٹر کی ترقی کی مہم کے گمنام ہیرو” قرار دیتے ہوئے کہا:”آپ ایک ماہر منتظم، اقتصادیات اور قانون کے جانکار، دور اندیش رہنما اور مہایوتی کے مضبوط ساتھی ہیں۔ آپ عوام کی آواز بن کر مہاراشٹر کی خوشحالی کے لیے مسلسل کوشاں ہیں۔ خدا آپ کو طویل عمر اور صحت مند زندگی دے۔”

دیویندر فرنویس کا پس منظر

دیویندر فرنویس کی پیدائش 22 جولائی 1970 ، مہاراشٹر کےناگپور میں ہوئی۔ انہوں نے ناگپور یونیورسٹی سے قانون اور بزنس مینجمنٹ کی تعلیم حاصل کی۔ ان کا سیاسی سفر 1992 میں ناگپور میونسپل کارپوریشن کے کونسلر کے طور پر شروع ہوا۔ 1999 میں وہ پہلی بار ناگپور جنوبی مغرب سے ایم ایل اے منتخب ہوئے اور مسلسل چار بار جیتے۔ 2014 میں وہ مہاراشٹر کے وزیر اعلیٰ بنے اور 2019 تک اس عہدے پر فائز رہے۔ 2022 میں دوبارہ وزیر اعلیٰ بنے۔ فرنویس نے بنیادی ڈھانچے، دیہی ترقی اور شفاف حکمرانی پر زور دے کر مہاراشٹر کی ترقی میں اہم کردار ادا کیا ہے۔

بھارت ایکسپریس اردو