Dutch tech giant ASML: ‘Not always easy’ to meet with EU politicians: پی ایم مودی کی شخصیت سے متاثر ہوئی ڈچ ٹیک کمپنی، ASML کی یورپی یونین پر تنقید، یورپی پالیسی سازوں سے ملاقات آسان نہیں

یورپ کی معروف سیمی کنڈکٹر کمپنی ASML کے ایک اعلیٰ عہدیدار نے یورپی یونین (EU) پر تنقید کرتے ہوئے کہا ہے کہ یورپی کمپنیوں کے لیے یورپی پالیسی سازوں تک رسائی حاصل کرنا “ہمیشہ آسان نہیں” ہوتا۔ یہ بیان ASML کے ایگزیکٹو نائب صدر برائے عالمی عوامی امور، فرینک ہیمس کرک نے بدھ کو پولیٹیکو کے “کمپیٹیٹیو یورپ” سمٹ کے دوران دیا، جو برسلز میں منعقد ہوا۔ فرینک ہیمسکرک سے سوال کیا گیا کہ کیا وہ محسوس کرتےہیں کہ کمپنی کو اعلی یورپی پالیسی سازوں تک رسائی حاصل ہے۔ جیسے کمیشن کی صدر ارسولا وان ڈیر لیین ، فرینک ہیمسکرک اے ایس ایم ایل میں عالمی عوامی امور کے ایگزیکٹو نائب صدر، نے کہا: یہ ہمیشہ آسان نہیں ہوتا۔”

وزیراعظم نریندر مودی سے دو گھنٹے طویل ملاقات

انہوں نے ایک سابقہ ASML ایگزیکٹو کا حوالہ دیتے ہوئے کہا: وائٹ ہاؤس میں کسی سینئر امریکی عہدیدار سے ملاقات کرنا یورپی کمشنر سے ملاقات کرنے سے زیادہ آسان ہے۔ یہ تبصرہ اس وقت آیا جب انہوں نے بتایا کہ ASML کے سی ای او کرسٹوف فوکے نے حال ہی میں بھارت کے وزیراعظم نریندر مودی سے دو گھنٹے طویل ملاقات کی۔ ہیمسکرک کے مطابق: “ڈیڑھ گھنٹے تک بات سننے کے بعد، مودی نے کہا: آپ بہت دوستانہ ہیں، ہمیں بتائیں کہ ہم کیا بہتر کر سکتے ہیں۔” انہوں نے اس واقعے کو بطور مثال پیش کرتے ہوئے کہا کہ یورپی رہنماؤں کو بھی اسی طرح سرمایہ کاری کرنے والی کمپنیوں کے ساتھ براہِ راست گفتگو کرنی چاہیے۔

یورپی خودمختاری کی کوششوں کو تقویت

ASML کے ایگزیکٹو نے حال ہی میں فرانس کی مصنوعی ذہانت (AI) کمپنی Mistral کے ساتھ کیے گئے 1.3 ارب یورو کے معاہدے پر بھی روشنی ڈالی، جسے یورپ کی ٹیکنالوجی میں خودمختاری حاصل کرنے کی کوششوں میں ایک سنگِ میل قرار دیا جا رہا ہے۔ ہیمس کرک نے کہا: یقیناً یہ کہ مِسٹرا ایک یورپی کمپنی ہے، اس سے آپس میں سمجھنا آسان ہوتا ہے۔” قابل ذکر بات یہ ہے کہ انہوں نے واضح کیا کہ اس شراکت داری کی اصل وجہ Mistral کی توجہ صنعتی AI پر ہے، نہ کہ جغرافیائی سیاسی مفادات۔ “یہ زیادہ تر صنعتی مصنوعی ذہانت پر مرکوز ہے، جیو پولیٹکس پر نہیں،” انہوں نے کہا۔ ASML دنیا کی واحد کمپنی ہے جو ایکسٹریم الٹرا وائلٹ (EUV) لیتھوگرافی مشینیں تیار کرتی ہے، جو جدید سیمی کنڈکٹر چِپس بنانے میں استعمال ہوتی ہیں۔ اس ٹیکنالوجی کی وجہ سے ASML کو عالمی سطح پر ایک اسٹریٹجک اثاثہ سمجھا جاتا ہے، اور اس کی پالیسی تک رسائی کے حوالے سے گفتگو یورپ میں خاصی توجہ حاصل کر رہی ہے۔

بھارت ایکسپریس اردو