Delhi MCD Mayor: شیلی اوبرائے کی شکل میں، دہلی کو ملا عآپ کا نیا میئر

Delhi MCD Mayor:  عام آدمی پارٹی کی شیلی اوبرائے کو دہلی کا نیا میئر منتخب کیا گیا ہے۔ میئر کے عہدے کے انتخاب میں شیلی اوبرائے کو 150 ووٹ ملے اور بی جے پی امیدوار ریکھا گپتا کو 116 ووٹ ملے۔ دہلی کے میئر کے انتخاب کی تین ناکام کوششوں کے بعد بدھ کو میونسپل کارپوریشن ہاؤس کی میٹنگ میں اس عہدے کے لیے ووٹنگ ہوئی۔ اے اے پی نے 4 دسمبر کو ہونے والے ایم سی ڈی انتخابات میں 134 وارڈوں میں کامیابی حاصل کی تھی، جس سے شہری ادارے میں بی جے پی کے 15 سالہ دور کا خاتمہ ہوا تھا۔ بی جے پی 104 وارڈوں میں جیت کے ساتھ دوسرے نمبر پر رہی۔ کانگریس نے 250 رکنی کارپوریشن ہاؤس میں نو سیٹیں جیتی تھیں۔

یہاں دہلی کے میئر کا انتخاب جیتنے کے بعد سے عام آدمی پارٹی (اے اے پی) کی امیدوار شیلی اوبرائے کو ہر طرف سے مبارکبادیں مل رہی ہیں۔ آپ کی پارٹی میں بھی جشن کا ماحول ہے۔ دہلی کے ڈپٹی سی ایم منیش سسودیا نے بھی جیت کی مبارکباد دی ہے، انہوں

نے اپنے ٹوئٹر پر لکھا ہے کہ غنڈے ہار گئے، عوام جیت گئے۔ سسودیا نے کہا کہ دہلی میونسپل کارپوریشن میں عام آدمی پارٹی کا میئر بننے پر تمام کارکنوں کو بہت بہت مبارکباد اور ایک بار پھر دہلی کے لوگوں کا دل کی گہرائیوں سے شکریہ۔