Amit Shah in Lok Sabha: ’’آپ دہشت گردوں کا مذہب دیکھ کر دکھی نہ ہوں…‘‘، لوک سبھا میں اپوزیشن کے ہنگامے پر برہم ہوئے امت شاہ

نئی دہلی: مرکزی وزیر داخلہ امت شاہ نے لوک سبھا میں اپوزیشن کے ہنگامے پر بھڑک اٹھے۔ امت شاہ منگل کے روز ایوان میں ’آپریشن مہادیو‘ کے بارے میں معلومات دے رہے تھے، جس میں فوج نے پہلگام کے تین دہشت گردوں کو مار گرایا۔ اس دوران ایک وقت ایسا آیا جب اپوزیشن نے شور مچانا شروع کر دیا۔ مرکزی وزیر داخلہ نہیں رکے بلکہ انہوں نے ایس پی صدر اکھلیش یادو کو نشانہ بنایا اور دکھی نہ ہونے کا مشورہ دیا۔

’’دہشت گردوں کا مذہب دیکھ کر دکھی نہ ہوں‘‘

دراصل لوک سبھا میں امت شاہ کے خطاب کے دوران اکھلیش یادو نے درمیان میں تبصرہ کیا تھا۔ اس پر امت شاہ نے سماج وادی پارٹی کے سربراہ اور لوک سبھا ممبر پارلیمنٹ اکھلیش کو بیٹھنے کو کہا۔ اس کے بعد امت شاہ نے طنزیہ انداز میں کہا، ’’آپ کو دہشت گردوں کا مذہب دیکھ کر دکھی مت ہوئیے۔‘‘ وزیر داخلہ نے اپنی تقریر جاری رکھتے ہوئے کہا، ’’یہ ہمارے ملک کی فوج اور سی آر پی ایف، جموں و کشمیر پولیس کی ایک بڑی مشترکہ کامیابی ہے، جس پر پورے ملک کو ناز ہونا چاہئے۔‘‘

امت شاہ نے لوک سبھا میں کانگریس لیڈر چدمبرم کے تبصرے کا بھی جواب دیا۔ انہوں نے کہا، ’’پیر کو وہ (کانگریس) ہم سے پوچھ رہے تھے کہ دہشت گرد کہاں سے آئے؟ مجھے بہت دکھ ہوا کہ پیر کو اس ملک کے سابق وزیر داخلہ چدمبرم جی نے سوال اٹھایا کہ کیا ثبوت ہے کہ یہ دہشت گرد پاکستان سے آئے تھے؟‘‘ وزیر داخلہ نے سوال کیا، ’’وہ کیا کہنا چاہتے ہیں؟ کسے بچانا چاہتے ہیں؟ پاکستان کو بچا کر آپ کو کیا ملے گا؟‘‘

لوک سبھا میں پی چدمبرم کے تبصرے پر امت شاہ نے کہا، ’میں کہنا چاہتا ہوں کہ ہمارے پاس ثبوت ہیں کہ وہ تینوں پاکستانی تھے۔ تین میں سے دو پاکےکستانی ووٹر نمبر ہمارے پاس موجود ہیں۔ دہشت گردوں کے پاس رائفلیں تھیں، اور ان کے پاس سے ملی چاکلیٹ پاکستان میں بنی تھیں۔‘‘

امت شاہ نے اپوزیشن کو گھیرتے ہوئے کہا، ’’وہ کہتے ہیں کہ وہ پاکستانی نہیں تھے۔ اس کا مطلب ہے کہ ملک کا ایک سابق وزیر داخلہ پوری دنیا کے سامنے پاکستان کو کلین چٹ دے رہا ہے۔‘‘