دہلی اسمبلی انتخابات 2025
نئی دہلی: دہلی اسمبلی انتخابات میں کانگریس نے سینئر لیڈر سندیپ دکشت کو نئی دہلی سیٹ سے میدان میں اتارا ہے۔ اس سیٹ پر ان کا مقابلہ عام آدمی پارٹی کے سربراہ اروند کیجریوال اور بھارتیہ جنتا پارٹی کے مضبوط لیڈر پرویش ورما سے ہے۔ سندیپ دکشت کے لیے یہ سیٹ وراثت کا سوال بن گئی ہے کیونکہ ان کی والدہ اور دہلی کی تین بار کی وزیر اعلیٰ شیلا دکشت پہلے یہ سیٹ جیت چکی ہیں۔
سندیپ دکشت سینئر کانگریس لیڈر شیلا دکشت کے بیٹے ہیں۔ ان کے لیے نئی دہلی کی سیٹ پر انتخابی چیلنج صرف ذاتی نہیں ہے بلکہ سیاسی وراثت سے بھی جڑا ہوا ہے۔ شیلا دکشت نے یہ سیٹ 2008 میں جیتی تھی جب یہ سیٹ وجود میں آئی تھی۔ اس سے پہلے وہ گول مارکیٹ سے ایم ایل اے تھیں۔ اس وقت کی وزیر اعلیٰ شیلا دکشت کو 2013 کے اسمبلی انتخابات میں اروند کیجریوال سے شکست کا سامنا کرنا پڑا تھا۔
سیاست میں آنے سے پہلے سندیپ دکشت نے سماجی ترقی سے متعلق کئی اہم سرگرمیوں میں حصہ لیا۔ انہوں نے ’سنکیت انفارمیشن اینڈ ریسرچ ایجنسی‘ نامی سماجی ترقی کے گروپ کی قیادت کی۔ انہوں نے او پی جندل گلوبل یونیورسٹی، سونی پت میں فیکلٹی ممبر کے طور پر بھی کام کیا ہے۔
سندیپ دکشت نے دہلی یونیورسٹی کے سینٹ اسٹیفن کالج سے ماسٹر ڈگری حاصل کی اور اس کے بعد دیہی ترقی (Rural Development) کا مطالعہ کیا۔ 15 سال سے زیادہ عرصے سے سندیپ دکشت نے راجستھان، گجرات، پنجاب، مدھیہ پردیش اور چھتیس گڑھ میں دیہی ترقی اور انسانی ترقی کے مسائل پر کام کیا ہے۔
2004 اور 2009 میں مشرقی دہلی لوک سبھا سیٹ سے ایم پی رہے سندیپ دکشت ہمیشہ اروند کیجریوال کے خلاف رہے۔ جب بھی کانگریس نے عام آدمی پارٹی کے ساتھ اتحاد کرنے کی کوشش کی، سندیپ دکشت نے اس کی مخالفت کی ہے۔ سال 2019 میں جب کانگریس اور AAP کے درمیان اتحاد کی بات ہوئی تھی، سندیپ نے کہا تھا کہ عزت نفس سے بڑھ کر کوئی چیز نہیں ہے۔ ہم اپنی عزت نفس کو قربان کر کے ان کے ساتھ کھڑے نہیں ہو سکتے۔
حال ہی میں عام آدمی پارٹی کے لیڈران آتشی اور سنجے سنگھ نے سندیپ دکشت پر سنگین الزامات لگائے تھے۔ اے اے پی لیڈران نے ان پر بی جے پی اور کانگریس سے کروڑوں روپے لینے اور اے اے پی کو ہرانے کے لئے بی جے پی کے ساتھ ملی بھگت کا الزام لگایا تھا۔
سندیپ دکشت ایک صاف ستھرے اور پڑھے لکھے لیڈر کی شبیہ رکھتے ہیں، جو کانگریس کے لیے نئی امید پیدا کر سکتے ہیں۔ دکشت 15 اگست 1964 کو پیدا ہوئے۔ ان کے والد ونود دکشت اتر پردیش کیڈر کے آئی اے ایس افسر تھے۔ سندیپ دکشت کی اہلیہ کا نام رشمی دکشت ہے اور ان کا ایک بیٹا بھی ہے۔
بھارت ایکسپریس۔
عام آدمی پارٹی ذرائع کے مطابق پولیس نے دہلی کے تھیٹروں کے مالکان کو دستاویزی فلم…
کرینہ نے پولیس کو بتایا کہ جب حملہ ہوا تو سیف نے بچوں اور خواتین…
ایک شخص کی سیڑھی پر چڑھ کر اداکار شاہ رخ خان کے گھر کی دیوار…
بی جے پی لیڈر اور بہار کے وزیر صحت منگل پانڈے نے راہل گاندھی کے…
حال ہی میں پرینکا گاندھی کے حوالے سے ان کا متنازعہ بیان بھی منظر عام…
مرکزی آلودگی کنٹرول بورڈ کے مطابق، جمعہ کو دہلی میں ہوا کے معیار کا انڈیکس…