دہلی سمیت شمالی ہند کی ان ریاستوں میں موسم رہے گا خوش گوار، ہوسکتی ہے ہلکی بارش
Weather Update:اکتوبر کے مہینے میں ملک بھر کے کئی علاقوں میں موسم کے انداز میں تبدیلی نظرآرہی ہے ۔ ملک کی راجدھانی دہلی اور این سی آر میں آج صبح ہلکی سردی اور کچھ علاقوں میں دھند چھائی رہی۔ محکمہ موسمیات کے کے مطابق آج شمالی ہندوستان کی کچھ ریاستوں میں بارش کا امکان ہے۔ پہاڑی علاقوں میں برف باری بھی ہو سکتی ہے۔ آپ کو بتاتے چلیں کہ 15 اکتوبر سے 18 اکتوبر تک اتراکھنڈ میں محکمہ موسمیات نے دھام سنگھ نگر اور ہریدوار کو چھوڑ کر تمام اضلاع کے لیے یلو الرٹ جاری کیا ہے۔
قابل ذکر بات یہ ہے کہ ملک کے کئی علاقوں میں گرمی اب بھی اپنے اثر دکھا رہی ہے۔ مانسون کے جلد رخصت ہونے کے بعد ہلکی سردی شروع ہوگئی ہے۔ ویسٹرن ڈسٹربنس کے دوبارہ متحرک ہونے سے موسم اپناانداز بل رہا ہے۔ آنے والے دنوں میں محکمہ موسمیات نے پارہ تقریباً 20 ڈگری تک نیچے آنے کی پیش گوئی کی ہے۔
دہلی-این سی آر میں موسم کیسا رہے گا؟
دہلی-این سی آر میں بھی موسم بدلنے والا ہے۔ آئی ایم ڈی کے مطابق آج یعنی اتوار رات کو بوندا باندی کا امکان ہے۔ اس کے بعد 16 اور 17 اکتوبر کو ہلکی سردی محسوس کی جا سکتی ہے۔ گزشتہ روز کی بات کریں تو ہفتہ کو زیادہ سے زیادہ درجہ حرارت 36 ڈگری رہا۔ یہ معمول سے تین ڈگری زیادہ ہے۔ اتر پردیش کے کئی اضلاع میں اس وقت موسم خشک ہے۔ لکھنؤ میں آج زیادہ سے زیادہ درجہ حرارت 35 ڈگری اور کم سے کم درجہ حرارت 22 ڈگری رہنے کا امکان ہے۔ محکمہ موسمیات نے اتراکھنڈ میں ادھم سنگھ نگر اور ہریدوار کے علاوہ تمام اضلاع میں 15 اکتوبر سے 18 اکتوبر تک یلو الرٹ جاری کیا ہے۔
آج کہاں کہاں بارش ہوگی؟
محکمہ موسمیات کے مطابق پنجاب، ہریانہ، اتر پردیش اور راجستھان کے کچھ حصوں میں بارش ہوگی۔ جس کے بعد 17 اکتوبر سے موسم صاف ہونا شروع ہو جائے گا۔ ہماچل پردیش میں 15 سے 18 اکتوبر تک بارش اور برف باری کا امکان ہے۔ اس کے علاوہ 16 اکتوبر کو سات اضلاع میں تیز بارش کا امکان ہے۔ جے پور کے موسمیاتی مرکز کے مطابق راجستھان میں 15 سے 17 اکتوبر تک بارش کا امکان ہے۔ یہ ایک نئی ویسٹرن ڈسٹربنس کے فعال ہونے کی وجہ سے ہو سکتا ہے۔ محکمہ موسمیات کے مطابق 15 اکتوبر کو ریاست کے مغربی، شمالی اور مشرقی حصوں میں گرج چمک کے ساتھ ہلکی بارش کا امکان ہے۔
بھارت ایکسپریس
ایڈوکیٹ وجے اگروال نے اس کیس کا ہندوستان میں کوئلہ گھوٹالہ اور کینیڈا کے کیسوں…
بی جے پی لیڈرونود تاؤڑے نے ووٹنگ والے دن ان الزامات کوخارج کرتے ہوئے کہا…
سپریم کورٹ نے ادھیاندھی اسٹالن کو فروری تک نچلی عدالت میں حاضری سے استثنیٰ دیتے…
آسٹریلیا کو ابھی تک پانچ وکٹ کا نقصان ہوچکا ہے۔ محمد سراج نے مچل مارش…
کیجریوال نے کہا، 'وزیر اعظم مودی نے کئی بار کہا ہے کہ کیجریوال مفت ریوڑی…
اس میچ میں ہندوستان نے ٹاس جیت کر پہلے بلے بازی کی اور شروعات میں…