Weather Update: دہلی میں اگلے 3 دن تک بارش کی وارننگ؟ آئی ایم ڈی نے جاری کیا یلو الرٹ

Weather Update: دہلی میں منگل کو وقفے وقفے سے بارش ہوئی اور زیادہ سے زیادہ درجہ حرارت 33.6 ڈگری سیلسیس ریکارڈ کیا گیا جو معمول سے 0.6 ڈگری کم ہے۔ محکمہ موسمیات نے اگلے تین روز تک بارش کا ‘یلو الرٹ’ جاری کیا ہے۔ ہندوستان کے محکمہ موسمیات (آئی ایم ڈی) کے مطابق، صفدرجنگ آبزرویٹری میں منگل کی صبح تک 20.2 ملی میٹر بارش ریکارڈ کی گئی۔ 12 اگست کی صبح 8:30 بجے سے 13 اگست کی صبح 8:30 بجے تک کے 24 گھنٹے کے عرصے میں پالم میں 29.4 ملی میٹر، لودھی روڈ میں 24.7 ملی میٹر اور نجف گڑھ میں 41.5 ملی میٹر بارش ہوئی۔

شام 5:30 بجے ہوا میں نمی کی سطح 92 فیصد تھی۔ محکمہ تعمیرات عامہ کے ایک اہلکار نے بتایا کہ ایجنسی کو پانی بھر جانے کی 27 اور درخت گرنے کی چار شکایات موصول ہوئی ہیں۔ آئی ایم ڈی نے بدھ کو ابر آلود آسمان اور ہلکی سے درمیانی بارش کی پیش گوئی کی ہے۔ آئی ایم ڈی کے مطابق بدھ کو آسمان ابر آلود رہے گا اور ہلکی سے درمیانی بارش متوقع ہے۔ محکمہ موسمیات نے لوگوں کو بارش سے محتاط رہنے کا مشورہ دیا ہے۔

یہ بھی پڑھیں- UP By Election 2024: یوپی ضمنی انتخابات میں سماجوادی پارٹی کو جیتی سیٹوں پر لڑنا چاہیے ، بقیہ نشستیں ہمارے لیے چھوڑ دیں، کانگریس کا اکھلیش سے مطالبہ

بدھ کو کیا رہے گا درجہ حرارت؟

بدھ کو زیادہ سے زیادہ اور کم سے کم درجہ حرارت 33 اور 26 ڈگری سینٹی گریڈ رہنے کا امکان ہے۔ محکمہ موسمیات موسم کے انتباہات جاری کرنے کے لیے چار رنگوں کا استعمال کرتا ہے۔ اس کے تحت سبز (کوئی کارروائی کی ضرورت نہیں)، پیلا (نظر رکھیں اور مانیٹر کریں)، اورنج (تیار رہیں) اور سرخ (کارروائی/مدد درکار) الرٹ جاری کیے گئے ہیں۔

-بھارت ایکسپریس