قومی

Sengol Maker Vummidi Ethiraj Dies: سینگول بنانے والے وومیدی ایتھراجولو کا انتقال، وزیر اعظم نریندر مودی اور تمل ناڈو کے گورنر نے تعزیت کا اظہار کیا

نئی دہلی: ہندوستان کی آزادی کے وقت تاریخی سینگول کی تیاری میں اہم کردار ادا کرنے والے وومیدی ایتھراجولو کا انتقال ہوگیا ہے۔ ان کے انتقال پر وزیر اعظم نریندر مودی اور تمل ناڈو کے گورنر راجندر وشوناتھ آرلیکر نے رنج و غم کا اظہار کیا ہے۔ وزیر اعظم نریندر مودی نے سوشل میڈیا پلیٹ فارم ’ایکس‘ پر ایک پوسٹ میں لکھا، ”تھرو وومیدی ایتھراجولو کے انتقال سے گہرا دکھ ہوا۔ تمل ناڈو کے ایک معزز خاندان سے تعلق رکھنے والے ایتھراجولو کو اس تاریخی سینگول کے لیے یاد کیا جائے گا، جو انہوں نے سابق وزیر اعظم جواہر لعل نہرو کو پیش کیا تھا۔ کئی برس بعد، 2023 میں مرکزی حکومت کو نئی پارلیمنٹ کی عمارت میں سینگول کو ایک باوقار مقام دینے کا اعزاز حاصل ہوا۔ اس موقع پر مجھے تھرو وومیدی ایتھراجولو سے ملاقات کرنے اور ملک و ثقافت کے لیے ان کی خدمات پر اظہار تشکر کرنے کا اعزاز ملا۔“ پی ایم مودی نے لکھا، ”ان کی زندگی اور ہنرمندی ہندوستان کی شاندار روایات اور ہمارے قومی سفر کے درمیان ایک غیر معمولی تعلق کی نمائندگی کرتی ہے۔ ان کے اہل خانہ اور مداحوں سے میری تعزیت۔ اوم شانتی۔“

تمل ناڈو کے گورنر نے بھی تعزیت کا اظہار کیا

تمل ناڈو راج بھون (لوک بھون) کی جانب سے بھی تعزیتی پیغام جاری کیا گیا۔ تمل ناڈو کے گورنر راجندر وشوناتھ آرلیکر نے کہا، ”تھرو وومیدی ایتھراجولو، جنہوں نے 1947 میں محض 20 سال کی کم عمر میں پوتر سینگول کی تیاری میں تاریخی کردار ادا کیا تھا، انتقال کر گئے ہیں۔ سینگول کی تیاری میں ان کی خدمات کو، جو ہندوستان کے تہذیبی ورثے، منصفانہ حکمرانی اور آزادی کے آغاز پر اقتدار کی منتقلی کی ایک لازوال علامت ہے، ہمیشہ احترام اور فخر کے ساتھ یاد رکھا جائے گا۔“ انہوں نے کہا، ”ان کی زندگی اور ہنرمندی ہماری قوم کی تاریخ کے ایک اہم باب کا حصہ بن گئی ہے۔ میں ان کے غم زدہ اہل خانہ سے دلی تعزیت کا اظہار کرتا ہوں اور دعا کرتا ہوں کہ انہیں دکھ کی اس گھڑی میں ہمت اور سکون ملے۔ ان کی روح کو دائمی سکون نصیب ہو۔“

20 سال کی عمر میں سینگول کی تیاری میں ادا کیا تھا تاریخی کردار

واضح رہے کہ وومیدی ایتھراجولو نے 1947 میں محض 20 سال کی عمر میں پوتر سینگول بنانے میں تاریخی کردار ادا کیا تھا۔ سینگول ہندوستان کے تہذیبی ورثے، منصفانہ حکمرانی اور آزادی کی دہلیز پر اقتدار کی منتقلی کی ایک لازوال علامت ہے۔

بھارت ایکسپریس اردو۔

Abdul Awwal

Recent Posts

Andaman Tourism: انڈمان بنے گا ہندوستان کی اقتصادی ترقی کا مرکز، سیاحت کے فروغ کے لیے شروع ہو سکتی ہیں بین الاقوامی پروازیں: ڈاکٹر دنیش شرما

انڈمان کے لیفٹیننٹ گورنر ڈاکٹر دنیش شرما نے جزائر کے مجموعے کو ہندوستان کی اقتصادی…

2 hours ago

India 100th Chess Grandmaster: شطرنج کی بساط پر ہندوستان کی تاریخی سنچری! وزیر اعظم نریندر مودی نے انوج شریواتری کی کامیابی کو قرار دیا غیر معمولی

انوج شریواتری ہندوستان کے 100ویں شطرنج گرینڈ ماسٹر بن گئے ہیں۔ وزیر اعظم نریندر مودی…

3 hours ago