Hathras Stampede: یوپی پولیس نے ہاتھرس حادثے میں بابا کے 6 قریبی ساتھیوں کو کیا گرفتار ، 2 خواتین بھی شامل

اتر پردیش کے ہاتھرس میں منگل کو مچے بھگدڑ سے متعلق معاملے میںپولیس نے جمعرات کو اپنی پہلی پریس کانفرنس کرتے ہوئے کہا کہ اس معاملے میں اب تک 6 لوگوں کو گرفتار کیا گیا ہے۔ اس میں 4 مرد اور 2 خواتین شامل ہیں، ماتھر نے بتایا کہ جب گرفتار لوگوں سے پوچھ گچھ کی گئی تو یہ بات سامنے آئی کہ یہ لوگ آرگنائزنگ کمیٹی میں شامل ہیں۔ انہوں نے ماضی میں بھی کئی تقریبات کا اہتمام کیا ہے۔ ان لوگوں کا کام پنڈال کو ترتیب دینا اور بھیڑ اکٹھا کرنا ہے۔

پولیس نے کہا کہ وید پرکاش مادھوکر پر ایک لاکھ کا انعام رکھا گیا ہے مرکزی منتظم وید پرکاش مدھوکر کے خلاف کارروائی کی جا رہی ہے۔

بابا کی گرفتاری پر شلبھ ماتھر نے کیا کہا؟

بابا کی گرفتاری پر ماتھر نے کہا کہ جیسے جیسے تفتیش آگے بڑھتی ہے، جیسا کہ آج تفتیش کا پہلا دن تھا، ملزمین کو گرفتار کیا گیا، لیکن جیسے جیسے تفتیش آگے بڑھتی ہے، تفتیشی افسر فیصلہ کرتا ہے کہ کس کو گرفتار کیا جائے۔ تفتیش میں کسی کا کردار سامنے آیا تو اس کے خلاف کارروائی کی جائے گی اور گرفتاری عمل میں لائی جائے گی۔

بابا پر کتنے کیس ہیں؟

بابا کے خلاف سال 2000 میں مقدمہ درج کیا گیا تھا، ہماری ٹیم اس کی تحقیقات میں لگی ہوئی ہے۔ شلبھ نے دعویٰ کیا کہ بابا کے نام پر پروگرام کی اجازت نہیں لی گئی تھی۔

گرفتار افراد کے بارے میں معلومات – چار مرد، دو خواتین

– رام لڑیتے ولد راہبری سنگھ یادو، مین پوری

– اوپیندر سنگھ یادو ولد رامیشور سنگھ، فیروز آباد

– میگھ سنگھ ولد حکم سنگھ، ہاتھرس

– مکیش کمار ولد موہر سنگھ، ہاتھرس

– منجو یادو بیوی سشیل کمار، ہاتھرس

– منجو دیوی بیوی کشن کمار یادو، ہاتھرس

بھارت ایکسپریس۔