قومی

UP By-election Exit Poll: اترپردیش ضمنی انتخاب کی 9 سیٹوں پر اکھلیش ماریں گے بازی یا یوگی آدتیہ ناتھ پڑیں گے بھاری؟ جانیں،ایگزٹ پول کے نتائج

اتر پردیش میں لوک سبھا انتخابات کے بعد خالی ہونے والی اسمبلی سیٹوں پر بدھ کو ضمنی انتخابات کے لیے ووٹنگ ہوئی۔ کل 9 نشستوں پر ضمنی انتخابات کے لیے ووٹنگ ہوئی۔ ان 9 سیٹوں کے حوالے سے ایگزٹ پول  بھی سامنے آگیا ہے۔ایگزٹ پول کے مطابق  بی جے پی کو 9 میں سے 6 سیٹیں مل رہی ہیں اور سماجوادی پارٹی کو 3 سیٹیں ملنے کی امید ہے۔ بتادیں کہ جے وی سی کے ایگزٹ پول میں بی جے پی کو 6، ایس پی کو 3 سیٹیں مل رہی  ہیں، جب کہ دیگر کو ایک بھی سیٹ نہیں مل رہی  ہے۔

سیسماؤ میں ایس پی کی جیت، غازی آباد میں بی جے پی

ووٹنگ کے دوران سیسماؤ میں کافی ہنگامہ ہواتھا۔ یہاں سے سماجوادی پارٹی  نے نسیم سولنکی کو اپنا امیدوار بنایا تھا اور سریش اوستھی بی جے پی کے امیدوار تھے۔ ایگزٹ پول نے اس سیٹ پر ایس پی کی جیت ظاہر کی ہے۔ غازی آباد میں بی جے پی کو کامیابی مل رہی ہے۔ سنجیو شرما یہاں جیت رہے ہیں۔ وہیں ایس پی کے سنگھ راج جاٹاو اور بی ایس پی کے پرمانند گرگ ہار رہے ہیں۔

کرہل اور کندرکی کا ایگزٹ پول

بی جے پی امیدوار سچسمیتا موریہ کی ماجھوان اسمبلی سیٹ سے جیتنے کی امید ہے۔ یہاں بھی ایگزٹ پول نے ایس پی اور بی ایس پی کی شکست ظاہر کی ہے۔ ایگزٹ پول کندرکی اسمبلی سیٹ پر ایس پی کے حاجی رضوان کی جیت کی پیشن گوئی کر رہے ہیں۔ یہاں بی جے پی کو شکست ہو رہی ہے۔ اس کے علاوہ کرہل سیٹ پربھی سماج وادی پارٹی کو جیت مل رہی ہے۔ ایگزٹ پول پر یقین کیا جائے تو ایس پی امیدوار تیج پرتاپ یادو کی جیت یقینی سمجھی جارہی ہے۔ ساتھ ہی بی جے پی امیدوار انوجیش یادو کو شکست کا منہ دیکھنا پڑ سکتا ہے۔

بھارت ایکسپریس۔

Rahmatullah

Recent Posts

Delhi AQI Today: دہلی کی فضا میں گھلا زہر، کئی علاقوں میں سانس لینا دشوار، جانئے کہاں کتنا ہے اے کیو آئی

فی الحال دہلی-این سی آر میں گریڈیڈ رسپانس ایکشن پلان (جی آر اے پی) کے…

15 minutes ago

Cricketer Yuzvendra Chahal Joins BJP: بھارتی کرکٹر یوزویندر چہل نے سیاست میں رکھا قدم، بی جے پی میں شمولیت کے بعد ملی بڑی ذمہ داری

بھارتی کرکٹ ٹیم کے معروف اسپنر یوزویندر چہل کو بھارتیہ جنتا پارٹی (بی جے پی)…

9 hours ago