مرکزی وزیر ارجن منڈا آئی آئی پی اے میں ’ہندوستان میں سیاسی جماعتوں اور پارٹی سسٹم میں تبدیلی کے رجحان‘ پر انٹرنیشنل سیمینار میں ہوئے شامل

آئی سی ایس ایس آر کے زیراہتمام ”ہندوستان میں سیاسی جماعتوں اور پارٹی کے نظام میں تبدیلی کے رجحانات“ پر انٹرنیشنل سیمینار میں مرکزی وزیر برائے قبائلی امورارجن منڈا نے بطورمہمان خصوصی شرکت کی۔ اس تقریب کا اہتمام دہلی یونیورسٹی کے ستیہ وتی کالج اورآئی آئی پی اے کے ذریعہ انڈین انسٹی ٹیوٹ آف پبلک ایڈمنسٹریشن، نئی دہلی میں کیا گیا۔

سیشن کے دوران، قبائلی امور کے مرکزی وزیر ارجن منڈا نے ”ہندوستان میں سیاسی جماعتوں اور پارٹی کے نظام میں تبدیلی کے رجحانات“ کے عنوان سے منعقدہ سیمینار کے منتظمین کی تعریف کی۔ اس موقع پربات کرتے ہوئے، انہوں نے کہا، ”یہ ایک بہت اہم واقعہ ہے، جس کا مقصد ہندوستان کے سیاسی منظرنامے میں ایک اہم موضوع پرمکالمہ شروع کرنا ہے، جواس خیال کی عکاسی کرتا ہے کہ موجودہ مسائل اوران کے ممکنہ حل کے بارے میں خود کا جائزہ لینا ضروری ہے۔ “

ہندوستان کو جمہوریت کی پیداوار (جمہوریت کی ماں) کے طورپراجاگرکرتے ہوئے مرکزی وزیر نے اسکالرز کے اتحاد کی اہمیت پر زور دیا، جو تمام موضوعات پر اپنی تحقیق اور تجزیہ پیش کریں گے۔ انہوں نے منتظمین کی تعریف کرتے ہوئے کہا کہ یہ اقدام قابل ستائش ہے۔

مرکزی وزیرنے حال ہی میں شروع کئے گئے پردھان منتری-پی وی ٹی جی ڈیولپمنٹ مشن کی طرف بھی توجہ مبذول کروائی، جس کا مقصد خاص طورپرکمزورقبائلی گروہوں کی ضروریات کو پورا کرنا ہے، جنہیں طویل عرصے سے نظراندازکیا گیا ہے۔ انہوں نے مزید کہا، ”حکومت منصوبوں کی سربراہی کر رہی ہے اوراس کمیونٹی کی ترقی اور بہبود کے لئے کام کرنے کے لئے ٹھوس کوششیں کر رہی ہے۔“

اس کے علاوہ، مرکزی وزیرارجن منڈا نے اس بات چیت کے ذریعے نقطہ نظر، چیلنجوں، مواقع اور خلاء کی شناخت اوران سے نمٹنے کے ذرائع ‘عوامی شرکت’ اور’ شراکت’ کے ذریعہ خلا کو پُرکرنے کی ضرورت پر زور دیا۔ انہوں نے پروگرام کے شرکاء کے لئے نیک خواہشات کا اظہار کیا۔

یہ سمپوزیم ناموراسکالروں، پالیسی سازوں اورماہرین کو ایک ساتھ لاتی ہے، جو ہندوستان میں سیاسی جماعتوں اورپارٹی نظام میں بدلتے ہوئے رجحانات پرغوروخوض کریں گے۔ دو روزہ تقریب اس اہم موضوع پرمتنوع نقطہ نظر کو اکٹھا کرنے کے لئے ایک متاثر کن اور معلوماتی پلیٹ فارم بننے کا وعدہ کرتا ہے۔