Twitter: ٹویٹر نے نیوز ایجنسی اے این آئی کا اکاؤنٹ کیا بند، 76 لاکھ سے زائد ہیں فالوورز

Twitter:  خبر رساں ایجنسی ایشین نیوز انٹرنیشنل (اے این آئی) کا ٹویٹر اکاؤنٹ لاک کر دیا گیا ہے۔ اے این آئی کی چیف ایڈیٹر اسمیتا پرکاش نے ٹویٹ کرکے یہ اطلاع دی۔ انہوں نے ایک پوسٹ بھی شیئر کی ہے۔ جس میں یہ اکاؤنٹ موجود نہیں لکھا ہوا ہے۔ تاہم ٹویٹر نے اس کی وجہ بھی بتا دی ہے۔ جو کافی دلچسپ ہے۔ اسمیتا پرکاش نے ٹویٹ کیا ہے کہ ٹویٹر نے اس اصول کا حوالہ دیا ہے کہ اکاؤنٹ بنانے والے کی کم از کم عمر 13 سال ہے۔ ٹویٹر کے مالک ایلون مسک کو ٹیگ کرتے ہوئے، اے این آئی کی ایڈیٹر انچیف نے لکھا کہ ‘ہمارا گولڈ ٹک چھین لیا گیا، پھر اسے بلیو ٹک سے بدل دیا گیا اور اب اکاؤنٹ خود ہی لاک ہو گیا ہے’۔

اسمیتا پرکاش نے ٹویٹ کیا، ”اے این آئی کو فالو کرنے والوں کے لیے بری خبر! بھارت کی سب سے بڑی خبر رساں ایجنسی اے این آئی کا ٹوئٹر اکاؤنٹ جس کے 76 لاکھ سے زیادہ فالوورز ہیں، لاک کر دیا گیا ہے۔

-بھارت ایکسپریس