PM Modi addresses Namibian Parliament: ’’جن کے پاس کچھ نہیں ہے…ان کے پاس آئین کی گارنٹی…‘‘، نمیبیا کی پارلیمنٹ سے پی ایم مودی کا خطاب

نئی دہلی: نمیبیا میں ہندوستانی کمیونٹی سے خطاب کے بعد وزیر اعظم نریندر مودی نے وہاں کی پارلیمنٹ سے خطاب کیا۔ نمیبیا کی پارلیمنٹ کے مشترکہ اجلاس سے خطاب کرتے ہوئے پی ایم مودی نے کہا کہ ہندوستان اور نمیبیا میں بہت کچھ مشترک ہے۔ ہم دونوں نے نوآبادیاتی نظام کی مخالفت کی۔ ہم احترام اور آزادی دونوں کی قدر کرتے ہیں۔ ہمارا آئین ہمیں مساوات، آزادی اور انصاف کو برقرار رکھنے کی تلقین کرتا ہے۔

وزیر اعظم مودی نے کہا کہ ہم عالمی جنوب کا حصہ ہیں اور ہمارے لوگوں کی امیدیں اور خواب ایک جیسے ہیں۔ ہندوستان نمیبیا کے ساتھ اپنے تاریخی تعلقات کو بہت اہمیت دیتا ہے۔ ہم نہ صرف اپنے ماضی کے تعلقات کو اہمیت دیتے ہیں بلکہ اپنے مشترکہ مستقبل کے امکانات کو سمجھنے پر بھی توجہ مرکوز کر رہے ہیں۔

انہوں نے کہا کہ جمہوریت کے مندر اور اس باوقار ایوان سے خطاب کرنا میرے لیے بڑے اعزاز کی بات ہے۔ میں جمہوریت کی ماں کے نمائندے کے طور پر آپ کے سامنے حاضر ہوں اور اپنے ساتھ ہندوستان کے 1.4 بلین عوام کی دلی نیک خواہشات لے کر آیا ہوں۔ میں دوستی کی علامت کے طور پر نمیبیا کا اعلیٰ ترین شہری اعزاز حاصل کررتے ہوئے عزت محسوس کر رہا ہے۔ ہم نمیبیا کے وژن 2030 پر مل کر کام کرنے کو بہت اہم سمجھتے ہیں اور ہماری شراکت کے مرکز میں ہمارے لوگ ہیں۔

پی ایم مودی نے کہا کہ چند ماہ قبل آپ نے ایک تاریخی لمحہ منایا، نمیبیا نے اپنی پہلی خاتون صدر منتخب کی۔ ہم آپ کی خوشی کو سمجھتے اور بانٹتے ہیں، کیونکہ ہندوستان میں ہم بھی فخر سے میڈم پرسیڈنٹ کہتے ہیں۔ یہ ہندوستان کے آئین کی طاقت ہے کہ ایک غریب قبائلی خاندان کی بیٹی دنیا کی سب سے بڑی جمہوریت کی صدر ہے۔ یہ آئین کی طاقت ہے جس نے مجھ جیسے غریب گھرانے میں پیدا ہونے والے شخص کو تین بار وزیراعظم بننے کا موقع دیا۔ جن کے پاس کچھ نہیں، ان کے پاس آئین کی گارنٹی ہے۔

وزیر اعظم نے مزید کہا کہ ہمیں خوشی ہے کہ نمیبیا پہلا ملک ہے جس نے ہندوستان کی UPI ٹیکنالوجی کو اپنایا ہے۔ اس کے ذریعے لوگ تیز رفتاری سے پیسے بھیج سکیں گے۔ ہماری باہمی تجارت 800 ملین ڈالر سے تجاوز کر چکی ہے لیکن کرکٹ کے میدان کی طرح ہم ابھی بھی تیاری کر رہے ہیں۔ ہم تیزی سے مزید رنز بنائیں گے۔ ہم خوش قسمت ہیں کہ ہم نمیبیا کے نوجوانوں کو انٹرپرینیورشپ ڈویلپمنٹ سنٹر کے ذریعے سپورٹ کر رہے ہیں۔ یہ ایک ایسی جگہ ہوگی جہاں کاروباری خوابوں کو پورا کرنے کا موقع ملے گا۔ آج اپنی ترقی کے ساتھ ساتھ ہندوستان دنیا کے خوابوں کو بھی سمت دے رہا ہے اور اس میں بھی ہمارا زور گلوبل ساؤتھ پر ہے۔ یہ ہندوستان کا پیغام ہے کہ آپ اپنے راستے پر چل کر اپنی ثقافت اور وقار کے ساتھ کامیابی حاصل کر سکتے ہیں۔

انہوں نے کہا کہ ہندوستان کینسر کی جدید نگہداشت کے لیے نمیبیا کو بھاباٹرون ریڈیو تھراپی مشین فراہم کرنے کے لیے تیار ہے۔ ہندوستان میں تیار کی گئی اس مشین کو 15 ممالک میں استعمال کیا گیا ہے اور اس نے مختلف ممالک میں کینسر کے پانچ لاکھ سے زیادہ سنگین مریضوں کی مدد کی ہے۔ ہم نمیبیا کو سستی اور معیاری ادویات تک رسائی کے لیے جن اوشدھی پروگرام میں شامل ہونے کی دعوت دیتے ہیں۔ اس پروگرام کے تحت ہندوستان میں دوائیوں کی قیمت میں 50-80 فیصد کمی آئی ہے۔ یہ روزانہ 10 لاکھ سے زیادہ ہندوستانیوں کی مدد کر رہا ہے۔ اب تک اس نے مریضوں کو صحت کی دیکھ بھال پر تقریباً 4.5 ارب امریکی ڈالر کی بچت کرنے میں مدد کی ہے۔

بھارت ایکسپریس۔