BRICS Chairman praises PM Modi: ’’اس مرتبہ ہندوستان ادا کرنے والا ہے نہایت اہم کردار‘‘، برکس کے چیئرمین نے کی پی ایم مودی کے اقدامات کی ستائش

برکس چیمبر آف کامرس اینڈ انڈسٹری کے چیئرمین ہرونش چاولہ نے برکس گروپنگ میں ہندوستان کی اہمیت پر روشنی ڈالتے ہوئے کہا کہ ’’ہمارے وزیر اعظم نریندر مودی کے قد اور اقدامات کی وجہ سے ہندوستان کو اس بار برکس میں اہم کردار ادا کرنے والا ہے۔‘‘ واضح رہے کہ وزیر اعظم نریندر مودی 6 سے 7 جولائی تک ریو ڈی جنیرو میں منعقد ہونے والی 17ویں برکس چوٹی کانفرنس میں شرکت کے لیے 5 سے 8 جولائی تک برازیل کا دورہ کریں گے۔

اے این آئی سے بات کرتے ہوئے ہرونش چاولہ نے اس بات پر زور دیا کہ ہندوستان 2026 میں برکس سربراہی اجلاس کا میزبان ملک ہوگا اور اگلے سال اس گروپ کی صدارت کرے گا۔ انھوں نے کہا کہ ’’ہندوستان 2026 میں برکس سربراہی اجلاس کا میزبان ملک بننے جا رہا ہے، اور ہندوستان اگلے ایک سال تک برکس کا چیئرمین ہوگا۔‘‘ چاولہ نے مزید کہا کہ ہندوستان کی چیئرمین شپ ایک اہم وقت پر آ رہی ہے۔ انھوں نے کہا کہ ’’آج تجارت میں ہندوستان کے غیر جانبدار موقف اور اہم کردار کو ذہن میں رکھتے ہوئے، ہم صحیح وقت پر، تجارتی دنیا کے صحیح ماحول میں برکس کے چیئرمین کے طور پر وہاں موجود رہیں گے۔‘‘

وہیں برکس سربراہی اجلاس کی اہمیت پر روشنی ڈالتے ہوئے انھوں نے کہا کہ ’’یہ برکس کی اب تک کی سب سے تاریخی سربراہی کانفرنسوں میں سے ایک ہونے جا رہی ہے۔ اور نہ صرف اس لیے کہ پی ایم مودی وہاں جا رہے ہیں، بلکہ امریکہ نے پوری دنیا میں جو ٹیرف وار شروع کر رکھی ہے، اس کو ذہن میں رکھتے ہوئے، جہاں تک برکس ممالک کا تعلق ہے، یہ سربراہی اجلاس بہت اہم ہو جاتا ہے۔‘‘ انھوں نے مزید کہا کہ ’’لہٰذا اس سربراہی اجلاس کا نتیجہ جو بھی ہو، یہ اس بار بہت تاریخی اور بہت اہم ہو گا۔”

بھارت ایکسپریس اردو