The weather will change in UP, Delhi and Uttarakhand: یوپی ،دہلی اور اتراکھنڈ میں اس دن سے بدلے گا موسم ، ہندوستان کے کئی شہروں میں بارش اور طوفان کا امکان

The weather will change in UP, Delhi and Uttarakhand: دہلی سمیت شمالی ہندوستان میں آسمان سے آگ برسس رہی  ہے۔ بیشتر مقامات پر پارہ 40 ڈگری سینٹی گریڈ سے تجاوز کر گیا ہے۔ پیر کو دہلی کا درجہ حرارت 43.7 ڈگری سیلسیس ریکارڈ کیا گیا تھا۔ جو معمول سے تین ڈگری زیادہ  ہے۔ تیز ہوا کی وجہ سے دارالحکومت میں بعض مقامات پر گرمی اور لو کی لہر برقرار ہے۔ جس کی وجہ سے صبح 10 بجے کے بعد ہی گھر سے نکلنا مشکل ہوگیا۔ یوپی میں پریاگ راج کا درجہ حرارت 45 ڈگری ریکارڈ کیا گیا تھا۔

IMD Rain Fall Alert: ہندوستانی محکمہ موسمیات نے پیش گوئی کی ہے کہ یوپی، دہلی اور اتراکھنڈ سمیت شمال مغربی حصوں میں موسم بدلنے والا ہے۔ قبال ذکر بات یہ ہے کہ دہلی، این سی آر، مغربی راجستھان، جنوبی ہریانہ، شمالی کے جنوبی حصوں میں 23 مئی تک گرمی کی لہر برقرار رہے گی۔ دہلی اور این سی آر میں یلو الرٹ جاری کر دیا گیا ہے۔ اس کے بعد موسم میں تبدیلی کا امکان ہے۔ اس کے ساتھ ساتھ مشرقی حصے میں اگلے تین گرج چمک کے ساتھ بارش کا سلسلہ جاری رہ سکتا ہے۔ جنوبی ہند کی ریاستوں کی بات کریں تو آندھرا پردیش اور تلنگانہ سمیت کئی ریاستوں میں اگلے پانچ دنوں تک بارش کا امکان ہے۔

آئی ایم ڈ کا کہنا ہے کہ آسام اور میگھالیہ میں اگلے تین دنوں کے دوران تیز ہواؤں اور گرج چمک کے ساتھ تیز بارش ہوسکتی ہے۔ اروناچل پردیش، ناگالینڈ، منی پور، میزورم اور تریپورہ میں 25 مئی تک بارش جاری رہے گی۔ ذیلی ہمالیائی مغربی بنگال اور سکم میں اگلے پانچ دنوں تک گرج چمک، بجلی چمکنے اور تیز ہواؤں کے ساتھ بارش ہو سکتی ہے۔ مغربی بنگال میں 23 اور 24 مئی کو بارش کا امکان ہے۔

پنجاب اور ہریانہ بھی شدید گرمی کی لپیٹ میں ہیں جہاں کئی مقامات پر درجہ حرارت 44 ڈگری سیلسیس تک ریکارڈ کیا گیا ہے۔ اگلے دو دنوں میں ویسٹرن ڈسٹربنس کے زیر اثر پنجاب، ہریانہ، راجستھان، اتراکھنڈ اور چندی گڑھ میں بارش ہو سکتی ہے۔ شمالی ریاستوں میں درجہ حرارت بڑھ رہا ہے لیکن مغربی ڈسٹربنس کی وجہ سے وقتاً فوقتاً راحت ملتی ہے۔ گرمی کی لہریں عام طور پر مئی اور جون کے مہینوں میں شمالی ریاستوں اتر پردیش، ہریانہ، پنجاب اور راجستھان کو متاثر کرتی ہیں۔

شمال مغربی ریاستیں

  شمال مغربی ہمالیائی علاقوں کی بات کریں تو میدانی علاقوں میں 23 سے 25 مئی تک بارش کا امکان ہے۔ اس دوران گرج چمک کے ساتھ تیز ہوائیں بھی چل سکتی ہیں۔ محکمہ موسمیات کے مطابق شمال مغربی ہمالیہ کے میدانی علاقوں میں 23 مئی سے 25 مئی تک موسلادھار بارش ہوسکتی ہے۔ اس کے بعد بارش میں کمی آئے گی اور موسم معمول پر آجائے گا۔ قابل ذکر بات یہ ہے کہ اس کے ساتھ ہی 24 اور 25 تاریخ کو اتراکھنڈ میں گرج چمک کے ساتھ ژالہ باری اور آسمانی بجلی گرنے کا امکان ہے۔ 23 مئی کو جموں و کشمیر، ہماچل پردیش میں الگ تھلگ مقامات پر بھاری بارش کا امکان ہے۔

وسطی ہندوستانی حصہ

  آئی ایم ڈی کے مطابق ودربھ اور چھتیس گڑھ میں اگلے تین دنوں تک تیز ہواؤں کے ساتھ الگ تھلگ بارش اور گرج چمک کے ساتھ بارش کا امکان ہے۔ 23 مئی کو مدھیہ پردیش کے کئی حصوں میں بارش کا امکان ہے۔

جنوبی ہند کی کئی ریاستوں میں الرٹ

  محکمہ موسمیات نے پیش قیاسی کی ہے کہ اگلے 5 دنوں کے دوران ساحلی آندھرا پردیش، یانم اور تلنگانہ میں تیز ہوائیں چلنے کا امکان ہے۔ تمل ناڈو، پڈوچیری اور کرائیکل میں آج بارش کا امکان ہے۔ جبکہ اگلے پانچ دنوں تک کرناٹک اور کیرالہ کے کئی علاقوں میں شدید بارش ہو سکتی ہے۔