Jharkhand based Gang threatens to kill Pappu Yadav: پپو یادو نے لارنس بشنوئی کے خاتمے کا کیا تھا اوپن چیلنج، اب ملی جھارکھنڈ کے اس گینگ کی طرف سے دھمکی

دہلی: لارنس بشنوئی کے نیٹ ورک کو 24 گھنٹے کے اندر ختم کرنے کی بات کرنے والے رکن پارلمینٹ پپو یادو کو پیر (28 اکتوبر) کے روز گینگسٹر کی طرف سے دھمکی موصول ہوئی۔ دھمکی ملنے کے بعد پپو یادو نے پولیس کو اطلاع دی۔ مڈیا سے بات کرتے ہوئے پپو یادو نے کہا کہ مجھے دھمکی ملی ہے، میں نے اس کی اطلاع ڈی جی پی کو دے دی ہے۔

جھارکھنڈ کے بدنام زمانہ امن ساہو گینگ نے پپو یادو کو جان سے مارنے کی دھمکی دی ہے۔ پپو یادو نے لارنس بشنوئی کو دو ٹکا کا مجرم کہا تھا۔ اس کے جواب میں امن ساہو گینگ کے گرگوں نے پپو یادو کو سوشل میڈیا پر دھمکی دی ہے۔

جس نمبر سے ملی دھمکی، ڈی پی میں لگی تھی لارنس کی تصویر

پپو یادو کو واٹس ایپ پر کال کرکے دھمکی بھی دی گئی ہے۔ جس نمبر سے پپو یادو کو کال کیا گیا تھا اس کی ڈی پی میں لارنس بشنوئی کی تصویر ہے۔ مہاراشٹر میں اے این سی اجیت گروپ کے لیڈر اور بزنس مین بابا صدیقی کے قتل کے معاملے میں لارنس بشنوئی گینگ کا نام سامنے آیا ہے۔

پورنیہ کے ایم پی پپو یادو کو مبینہ طور پر امن ساہو گینگ کی جانب سے ایک کال پر دھمکی دی گئی ہے، جس میں کہا گیا ہے کہ وہ کسی کے خلاف کوئی تبصرہ کرنے یا بولنے سے پہلے سوچ سمجھ لینا چاہئے، سمجھ رہے ہیں کیا کیا کہہ رہے ہیں ہم؟ اس پر پپو یادو کی طرف سے کہا گیا ہے کہ یہ سیاسی ٹویٹ ہے۔ لارنس بشنوئی سے ہماری کوئی دشمنی نہیں ہے۔

’سدھر جاؤ نہیں تو ہم دیکھ لیں گے‘

ساہو گینگ نے دھمکی دیتے ہوئے کہا کہ ایک بار فون کرنے کا مقصد یہی تھا، سدھر جاؤ نہیں تو آگے ہم دیکھ لیں گے۔ اس سے مجھے کوئی مطلب نہیں ہے اور نہ ہم سیاست سے جڑے ہیں۔ ہم جانتے ہیں کہ جو بھی میرے راستے میں آئے گا، تو آج جو ہو رہا ہے وہی ہوتا رہے گا۔

پپو یادیو نے لکھا تھا کہ ’’یہ ملک ہے یا ہجڑوں کی فوج‘‘۔ ایک مجرم جیل میں بیٹھ کر لوگوں کو چیلنج کر رہا ہے اور مار رہا ہے، سب خاموش تماشائی بنے ہوئے ہیں۔ کبھی موسے والا، کبھی کرنی سینا کا چیف، اب صنعتکار اور سیاست دان کو مروا ڈالا، اگر قانون اجازت دے تو میں 24 گھنٹے کے اندر لارنس بشنوئی جیسے دو ٹکے کے مجرم کے  پورے نیٹ ورک کو تباہ کر دوں گا۔

بھارت ایکسپریس۔