نئی دہلی: مرکزی تفتیشی بیورو (سی بی آئی) نے انیل امبانی کے ریلیانس اے ڈی اے گروپ سے متعلق مبینہ مالی بے ضابطگیوں کی تحقیقات کے سلسلے میں ریلیانس کمرشل فنانس لمیٹڈ (RCFL) کے سابق ڈائریکٹر اور چیف ایگزیکٹو آفیسر دیوانگ مودی اور ریلیانس ہوم فنانس لمیٹڈ (RHFL) کے سابق ایگزیکٹو ڈائریکٹر اور چیف ایگزیکٹو آفیسر رویندر سدھالکر کو گرفتار کر لیا ہے۔
7,623 کروڑ روپے کے مبینہ فراڈ کی تحقیقات
سی بی آئی کے مطابق تحقیقات میں سامنے آیا ہے کہ ملزمان نے آر سی ایف ایل اور آر ایچ ایف ایل سے حاصل کیے گئے فنڈز کو ریلیانس اے ڈی اے گروپ کی دیگر کمپنیوں، جن میں ریلیانس کیپٹل لمیٹڈ، ریلیانس انفراسٹرکچر لمیٹڈ اور ریلیانس پاور لمیٹڈ شامل ہیں، منتقل کیا۔ اس کارروائی کے نتیجے میں سرکاری بینکوں کو مجموعی طور پر 7,623 کروڑ روپے کا مبینہ نقصان پہنچا، جبکہ ملزمان اور ان سے وابستہ کمپنیوں کو اتنے ہی مالیت کا ناجائز فائدہ حاصل ہوا۔
دو الگ الگ معاملات میں بینکوں کو نقصان
تحقیقات کے مطابق آر سی ایف ایل معاملے میں 13 سرکاری بینکوں کو 4,097 کروڑ روپے کا نقصان پہنچا، جبکہ آر ایچ ایف ایل معاملے میں 10 سرکاری بینکوں کو 3,526 کروڑ روپے کا مبینہ نقصان ہوا۔ سی بی آئی نے بتایا کہ دیوانگ مودی اپریل 2017 سے دسمبر 2018 تک آر سی ایف ایل کے سی ای او رہے اور کمپنی کے اہم فیصلوں کے ذمہ دار تھے۔ ان پر الزام ہے کہ انہوں نے ایسی درمیانی کمپنیوں کو قرض منظور کیے جو ریزرو بینک آف انڈیا (RBI) کے ضوابط اور سرکاری بینکوں سے قرض حاصل کرنے کی شرائط کے خلاف تھے۔ اسی طرح رویندر سدھالکر یکم اکتوبر 2016 سے 31 مارچ 2022 تک آر ایچ ایف ایل کے ایگزیکٹو ڈائریکٹر اور سی ای او رہے۔ ان پر الزام ہے کہ انہوں نے کمپنی کی قرض پالیسی، نیشنل ہاؤسنگ بینک (NHB) اور آر بی آئی کے ضوابط نیز سرکاری بینکوں سے حاصل شدہ قرض کی شرائط کی خلاف ورزی کرتے ہوئے بچھولی کمپنیوں کو قرض فراہم کیے۔
سات ایف آئی آر درج، سپریم کورٹ کی نگرانی میں تحقیقات
سی بی آئی نے مختلف سرکاری بینکوں اور لائف انشورنس کارپوریشن (LIC) کی شکایات کی بنیاد پر ریلیانس کمیونیکیشنز لمیٹڈ (RCom)، آر ایچ ایف ایل، آر سی ایف ایل اور ریلیانس ٹیلی کام لمیٹڈ (RTL) کے خلاف مجموعی طور پر سات ایف آئی آر درج کی ہیں۔ ان تمام معاملات کی تحقیقات سپریم کورٹ کی نگرانی میں جاری ہیں۔ سی بی آئی نے 29 مئی کو آر کام معاملے میں پہلی چارج شیٹ داخل کی تھی، جس میں کمپنی، اس کے پانچ سینئر عہدیداروں اور 10 بینک افسران سمیت 16 افراد کو ملزم بنایا گیا تھا۔ تحقیقاتی ایجنسی کے مطابق اب تک ریلیانس اے ڈی اے گروپ سے متعلق مقدمات میں مجموعی طور پر پانچ افراد کو گرفتار کیا جا چکا ہے، جن میں دیوانگ مودی اور رویندر سدھالکر بھی شامل ہیں۔ سی بی آئی نے کہا ہے کہ ان معاملات میں مزید تحقیقات جاری ہیں۔
بھارت ایکسپریس اردو۔
دنیش پُنڈے نے اپنے خط میں مطالبہ کیا تھا کہ جس طرح گنیش اتسو اور…
این سی پی-شردچندر پوار کی رکن پارلیمنٹ سپریا سولے نے دونوں گروپوں کے انضمام سے…
المسیرہ ٹی وی کی رپورٹ کے مطابق، یحییٰ سریع نے دعویٰ کیا کہ یمن کے…
چوتھے ون ڈے میں وراٹ کوہلی، روہت شرما اور شریئس ایر بغیر کوئی رن بنائے…
ہر شہر میں بنائے جائیں گے آرام گاہیں، ڈیلیوری کے ہر لین دین کا ایک…
بچوں، بزرگوں اور پہلے سے سانس کی بیماریوں میں مبتلا افراد کو زیادہ مشکلات کا…