Prayagraj: پریاگ راج جنکشن پر سہیل دیو ایکسپریس پٹری سے اتری، کوئی جانی نقصان نہیں ہوا

Prayagraj: اتر پردیش کے غازی پور سے آنند وہار ٹرمینس جانے والی سہیل دیو ایکسپریس ٹرین 22433 دہلی کے آنند وہار ٹرمینس جانے والی یہ  ٹرین  منگل کی رات پریاگ راج جنکشن پر پٹری سے اتر گئی۔ حادثہ دہلی جنکشن کے آؤٹر پر رات 8.45 بجے کے قریب پیش آیا۔ اس دوران ٹرین کا انجن اور اس کے پیچھے موجود جنریٹر گاڑی پٹری سے اتر گئی۔ قابل ذکر بات یہ ہے کہ یہ راحت کی بات ہے کہ اس حادثے میں کوئی مسافر زخمی نہیں ہوا۔ اس دوران اطلاع ملتے ہی ڈی آر ایم ہمانشو بداونی اور دیگر افسران موقع پر پہنچ گئے۔ ریلوے نے حادثے کی تحقیقات بھی شروع کر دی ہیں۔

نارتھ سنٹرل ریلوے کے سینئر پبلک ریلیشن آفیسر امیت مالویہ نے بتایا کہ غازی پور سے آنند وہار ٹرمینس جانے والی سہیل دیو ایکسپریس ٹرین منگل کی رات 8.30 بجے پریاگ راج جنکشن پر پہنچی اور 8.45 پر روانگی کے فوراً بعد اس کے انجن کے چار پہیے اور پچھلی جنریٹر کار کے چار پہیے پٹری سے اتر گئے۔انہوں نے کہا کہ اس واقعہ میں کسی جانی نقصان کی اطلاع نہیں ہے۔

مالویہ کے مطابق ریلوے حکام فوری طور پر موقع پر پہنچے اور ٹرین کا پیچھے کا حصہ پلیٹ فارم پر بھیج دیا گیا۔انہوں نے بتایا کہ ٹریک کی مرمت کے بعد رات ہی میں ٹرین کو اپنی منزل کی طرف روانہ کر دیا گیا۔