Delhi-NCR Air Pollution Control: دہلی میں بغیر بادل کے ہوگی بارش – اس طرح آلودگی پر پایا جائے گا قابو ، آج تیسرا ٹرائل

دہلی این سی آر میں سنگین فضائی آلودگی کے مسئلے سے نجات پانے کے لیے کلاؤڈ سیڈنگ یعنی مصنوعی بارش کا کامیاب تجربہ شروع ہو گیا ہے۔ آج، 28 اکتوبر 2025 کو، اس ٹیکنالوجی کا دوسرا کامیاب ٹیسٹ کیا گیا۔ بھارتیہ جنتا پارٹی کے لیڈر منجندر سنگھ سرسا نے اس کی تصدیق کرتے ہوئے بتایا کہ یہ ٹرائل میرٹھ سے دہلی کے درمیان ایک سیسنا طیارے کے ذریعے کیا گیا۔

بغیر بادلو ں کے ہو رہی ہے بارش

کلاؤڈ سیڈنگ کا یہ عمل کھیکڑا، بُراڑی، مَیور وہار سمیت کئی علاقوں میں انجام دیا گیا، جس میں کل آٹھ فلیئرز کا استعمال ہوا اور یہ تقریباً آدھے گھنٹے تک جاری رہا۔ بغیر بادلوں کے بارش کرانے کا یہ دوسرا تجربہ مکمل طور پر کامیاب رہا ہے۔ آلودگی کم کرنے کی سمت میں تیزی دکھاتے ہوئے، منجندر سنگھ سرسا نے یہ بھی بتایا کہ کلاؤڈ سیڈنگ کا تیسرا تجربہ بھی  28 اکتوبر کو کیا جائے گا۔ ان تجربات کے باعث متعلقہ علاقوں میں 15 منٹ سے لے کر 4 گھنٹے کے اندر کسی بھی وقت بارش ہو سکتی ہے۔

کلاؤڈ سیڈنگ مہم دہلی کے آسمان کو صاف بنانے کے بڑے مقصد کے تحت کی جا رہی ہے

انہوں نے واضح کیا کہ آنے والے کئی دنوں تک اسی طرح کی پروازیں، جنہیں شارٹی کہا جاتا ہے، جاری رہیں گی۔ یہ کلاؤڈ سیڈنگ مہم دہلی کے آسمان کو صاف بنانے کے بڑے مقصد کے تحت کی جا رہی ہے۔اس کے علاوہ، یکم نومبر سے دہلی میں صرف بی ایس 6، سی این جی، ایل این جی اور برقی گاڑیوں کو ہی داخلے کی اجازت ہوگی، جو آلودگی پر قابو پانے کے دیگر اہم اقدامات میں شامل ہے۔

بھارت ایکسپریس اردو۔