Jaipur Express Train: آر پی ایف جوان نے چلتی ٹرین میں چار لوگوں کو ماری گولی، ایک اے ایس ائی سمیت 4 افراد ہلاک

Jaipur Express Train: مہاراشٹر کے پالگھر میں جے پور ایکسپریس ٹرین میں تیز رفتار فائرنگ کا ایک بڑا واقعہ پیش آیا ہے۔ حادثے میں 4 افراد کو گولی لگی ہے۔ ان میں سے تین افراد کی موقع پر ہی موت ہو گئی۔ جبکہ ایک شخص زخمی ہے۔ جاں بحق ہونے والوں میں تین افراد ایک اے ایس آئی اور دو مسافر شامل ہیں۔

مہاراشٹر کے پالگھر ریلوے اسٹیشن کے قریب ریلوے پروٹیکشن فورس (RPF) کے ایک جوان نے ٹرین میں سوار چار افراد کو گولی مار کر ہلاک کر دیا ہے۔ ایک اہلکار نے بتایا کہ جوان نے اپنے خودکار ہتھیار سے فائرنگ کی جس میں ٹرین میں سوار آر پی ایف کے ایک اے ایس آئی سمیت تین مسافر مارے گئے ہیں۔ یہ ٹرین جے پور سے ممبئی آرہی تھی۔ مہاراشٹر کے دارالحکومت ممبئی سے پالگھر کا فاصلہ تقریباً 100 کلومیٹر ہے۔

ذہنی دباؤ میں تھا آر پی ایف جوان

موصولہ اطلاعات کے مطابق فائرنگ کا واقعہ پالگھر اور ممبئی کے درمیان دہیسر میں پیش آیا۔ فائرنگ کرنے والے جوان کو میرا روڈ کے قریب سے حراست میں لے لیا گیا ہے۔ بتایا جا رہا ہے کہ جوان ذہنی دباؤ میں تھا۔

پولیس معاملے کی تفتیش میں مصروف

پولیس کا کہنا ہے کہ مسافروں سے بھی پوچھ گچھ کی جا رہی ہے۔ اس کے علاوہ اس بات کی بھی جانچ کی جا رہی ہے کہ ملزم آر پی ایف جوان کی فائرنگ کا مقصد کیا تھا۔ پولیس پورے معاملے کی گہرائی سے جانچ کر رہی ہے۔

یہ بھی پڑھیں- Jaipur Express Train: جے پور ایکسپریس ٹرین پر تیز فائرنگ، ایک اے ایس آئی اور 3 مسافر ہلاک

 

ریلوے نے جاری کیا بیان

ساتھ ہی ریلوے نے بھی اس واقعے کے حوالے سے بیان جاری کیا ہے۔ ویسٹرن ریلوے کی طرف سے جاری ایک بیان میں کہا گیا ہے کہ پالگھر ریلوے اسٹیشن کے بعد جے پور ایکسپریس ٹرین میں آر پی ایف اہلکار نے مسافروں پر فائرنگ کی۔ جس میں آر پی ایف کے ایک اے ایس آئی کے علاوہ تین مسافروں کی موت ہو گئی۔ ملزم جوان کو پکڑ لیا گیا ہے۔

-بھارت ایکسپریس