بھارت ایکسپریس اردو-
آرجے ڈی رکن پارلیمنٹ منوج جھا۔ (فائل فوٹو)
راشٹریہ جنتا دل (آرجے ڈی) کے رکن پارلیمنٹ منوج جھا نے الیکشن کمیشن پر’جانبداری‘ کرنے کا الزام لگایا ہے۔ انہوں نے بہارمیں ووٹر لسٹ کے خصوصی نظرثانی مہم (ایس آئی آر) پرکانگریس رکن پارلیمنٹ راہل گاندھی اورراشٹریہ جنتا دل (آرجے ڈی) لیڈرتیجسوی یادوکے بیانوں کی حمایت کرتے ہوئے کہا کہ ریاست میں ’ووٹ چوری‘ نہیں، دن دہاڑے ’ڈکیتی‘ ہورہی ہے۔
نیوزایجنسی آئی اے این ایس سے بات چیت کے دوران جمعہ (18 جولائی، 2025) کوآرجے ڈی رکن پارلیمنٹ نے دعویٰ کیا، ’’ایس آئی آر عمل کے ذریعہ ووٹرلسٹ سے دلت، پسماندہ، انتہائی پسماندہ اور اقلیتی طبقہ کے رائے دہندگان کے نام ہٹائے جا رہے ہیں، جس سے ان کی ووٹنگ میں حصہ داری متاثرہوسکتی ہے۔‘‘
راہل گاندھی اورتیجسوی یادو کی حمایت
انہوں نے کہا، ’’کمیشن کی طرف سے مانگے گئے 11 دستاویزوں کو دے پانا سبھی کے لئے ممکن نہیں ہے۔ بہارسے باہررہنے والے لوگوں کو کہا جا رہا ہے کہ 25 دنوں کے اندردستاویزداخل کرائیں۔ 5 دن میں کیا یہ ممکن ہے۔‘‘ منوج جھا نے کہا کہ راہل گاندھی اورتیجسوی یادونے ’ووٹ چوری‘ کرنے کی محض چھوٹی سی مثال دی ہے، لیکن اسے ’دن دہاڑے ڈکیتی‘ کہنا چاہئے۔ انہوں نے سوال اٹھایا کہ الیکشن کمیشن کو منصفانہ اورغیرجانبدارانہ ہونا چاہئے، لیکن کسی کے اشارے پرکمیشن نے اپنے طریقہ کارکوپوری طرح سے بدل لیا ہے۔
بہارمیں جرائم میں اضافہ پرسوال
وزیراعظم نریندرمودی کے بہاردورے پرآرجے ڈی لیڈرمنوج جھا نے کہا، ’انتخابی سال میں وزیراعظم مودی کا بہارآنا فطری ہے، لیکن عوام چاہتی ہے کہ وہ ریاست میں بڑھتے ہوئے جرائم پربھی بولیں۔ پٹنہ کے ایک اسپتال میں کھلے عام گولی باری کا حادثہ ہوا، جہاں پانچ لوگ بغیر چہرہ چھپائے گولی باری کرکے فرارہوگئے۔‘
بی جے پی پر لگایا بڑا الزام
آرجے ڈی رکن پارلیمنٹ منوج جھا نے ایسے حادثات کوروزمرہ کی پریشانی بتایا اوراس کے لئے ذمہ داری طے کرنے کا مطالبہ کیا۔ انہوں نے بی جے پی پر طنزکرتے ہوئے کہا، ’پارٹی غیر-بی جے پی ریاستوں میں جرائم ہونے پرفوراً جانچ کمیٹی بھیجتی ہے، لیکن بہارکے لئے دہلی سے اب تک کوئی کمیٹی نہیں ہے۔‘ انہوں نے مطالبہ کیا کہ بی جے پی ہائی کمان کوبہارکی صورتحال پردھیان دینا چاہئے اوریہاں بھی کمیٹی تشکیل کرنی چاہئے۔
قانون، کھیل، داخلی سلامتی، اقلیتی امور اور پارلیمانی معاملات جیسے مختلف شعبوں میں کام کرنے…
19 نومبر 2026 کو ملکی اور بین الاقوامی بازار میں سونے اور چاندی کی قیمتوں…
جوہر ٹرسٹ سے متعلق معاملے میں سپریم کورٹ نے الہ آباد ہائی کورٹ کے عبوری…
موصولہ اطلاعات کے مطابق، یہ حادثہ تراباڑی تھانہ علاقے کے بیڑی پل پر پیش آیا۔…
خلیج بنگال میں سرگرم سمندری طوفان ’اکوان‘ کے اثر سے 19 نومبر کو بہار، اتر…
بہار اسمبلی میں قائد حزب اختلاف تیجسوی یادو نے وزیر اعلیٰ سمراٹ چودھری کو نشانہ…